بنات البحرين لاهنتوا تعالو ابيكم ؟؟؟؟؟؟؟؟؟وبنات السعوديه اللي يعرف يرد

وشو البسكوت اللي عليه حلوى؟؟؟ شهيتيني
زوجي في البحرين خليني اوصيه عليه...

انا من السعوديه بس ممكن افيدك ...
المجمعات معروفه السيف والعالي والدانه الاسواق الرخيصة بباب البحرين كل شي فيه الحلوى البحرينيه احلى شي مروج المحرق ولا تنسين المتاي واااااااااو

:)

حياج الله في ديرتك الثانية البحرين

أولا المجمعات كلها جنب بعض يعني ما بتتعبين وعندك مجمع السيف فيه تقريبا كل اللي انتي تبينه وكذلك مجمع البحرين ( جيان ) اما الدانة ما أنصحك تروحينه لأنه محلاته قليلة جدا والمحلات الموجودة فيه موجودة في المجمعات اللي ذكرتها لك أما بخصوص قمصان النوم والبيجامات تلاقينهم في مجمع مارينا مول عند سارة سكرت وأسعارهم مناسبة وعندك الجلابيات فيه محل في مجمع اللؤلؤ وهذا يصير قريب جدا من المارينا مول واسم المحل جلابيات الغريب وبصراحة ما مرة دخلت عنده والمجمع فيه اشياء اسعارها زينة ومعقولة من اكسسوارات وبواريك ( جمع باروكة ) للشعر وطبعا فيه الثياب والشيل يعني مجمع لذوي الدخل المحدود وفيه ذوق وهذي آنا جمعت لك كل اللي أقدر عليه انك تروحينهم في هذا اليوم
أما بالنسبة للبسكوت اللي عليه حلوى أعتقد تلاقينه عند الشواطرة وفيه بعد محلات مقابلة مجمع البحرين بالضبط وعندهم كل شي روحي وانشالله تلاقين عندهم اللي تبينه ومرة وحدة تغدوا في مطعم مرمريز عليكم بالعافية وهذا بعد في نفس المنطقة

وانشالله أكون قدرت أفيدك اختي ولا تنسيني من الدعاء ادعي لي الله يفرجها على من أوسع أبوابه
مع السلامة وتحياتي واتمنى تقضين في البحرين وقت ممتع

ياهلا ومرحبا بج أختي بديرتج

الأخت بسكوته والأخت جيجي ماقصروا

بعد بعيدهم لج ،،،

" المجمعات "

السيف تلقين به كل مايخطر على بالج وفيه السينما والمطاعم وبتشوفين يم زارا عربة تبيع حلويات شعبيه يمكن تلقين البسكوت عندهم ولاتفوتج السمبوسه الحلوة الي عندهم تجنن

العالي أغلب محلاته ماركات وتلقين عنده كل حاجه وفيه مطاعم بالطابق الثالث

مجمع البحرين فيه برادة جيان الكبيره ، وفيه محل ماعرف أسمه بس تلقينه بعد ماتعدين أجمل وبدون أسم وتلقين عنده بجامات وقمصان نووم


" الأماكن الرخيصه "

عند الأسواق الشعبيه مثل سوق المحرق ، وباب البحرين ، والسوق الإيراني بمدينة عيسى

وعندهم كل شي بيجامات وجلابيات وملابس أطفال قصدي العاديه الي تنلبس بالبيت

الله ايحييش في البحرين