هذا يعتمد على قوانين الصالة اذا يسمحون لنا او لا
وشكرا للفكرة

اتصلت في جمعية المهندسين في الجفير
واتفقت معاهم بس بيردون عليي بالتاكيد يوم السبت
حاليا اذا صارت الموافقة
المعرض بيكون لمدة ثلاثة ايام
12 - 13 - 14
الاربعاء - الخميس - الجمعة
السعر 150 دينار لثلاثة ايام
في طاولات وكراسي والقاعة بتكون مجهزة
وفي اضاءة وصوتيات في حال نبي نشغل موسيقى او اناشيد
ممنوع الاكل داخل القاعة فبيصير البيع في علب او صحون للخارج
المعرض ممكن يكون تحت مسمى الاسر المنتجة او اي اسم تختارونه
وبيكون تحت رعاية جمعية المهندسين وبهالطريقة نقدر ننشر الاعلانات بسهولة وبدون تراخيص
وبنفس الوقت بنجذب وسائل الاعلام انها تحضر وتصور وبالتالي نكسب جمهور اكبر
طبعا السالفة فيها روحة ويية وترتيبات خصوصا يوم الاثنين والثلاثاء اللي قبل المعرض
وانا ماقدر اسوي كل شي بروحي
فكل وحدة حابة انها تشتغل وتدابج معانا تسجل اسمها
واللي الحين تاكدت انها بتشارك في المعرض تسجل اسمها عشان نشوف المبلغ النهائي ونوزعه علينا
ونخلي وحدة تستلمه من البنات عشان ندفع للجمعية المبلغ كامل

كيوت الله يهداج اخرتيه جم يوم لين اتاكد من هالبضاعه على العموم اذا لحقت عليكم زين
موفقين

شوفي حبيبتي انا اعرف واحد عنده البيت الهزاز وعنده بوني (الخيول الصغار)
اذا تبون اخليه ايي اكدو علي علشان اخبره
بالنسبه لي حجزو لي مكان وياكم اذا وصلت بظاعتي اكييد باكون معاكم واذا لا
خيرها في غيرها..

لازم اكلمهم بخصوص الالعاب الكبيرة