لا ماانصح بصالة الحد

اعتقد انتي تقصدين دار يوكو

الحد اخر البحرين .. قليل اللي يتعنون لها

سووا المعرض في مكان ممكن اكثر ناس تزوره

( كيوت بحرينيه )

اشرايج تسوينه في فندق ؟؟ <<< داخله على مستوى الاخت :)

لا صج .. اذا عدد البنات زاد حجزي قاعة الهلتون . اللي الحين غيروا اسمه

طوبة ولد خالتي كانت فيه بــ 800 دينار شامله العشا و المشروب .. فيمكن اذا انحجزت الصاله من غير اكل يكون سعرها اقل

و لاتنسين ان اذا كانت في فندق فراح يكون عدد الزوار اكثر

ويمكن بعد في بنات عندهم واسطه في فندق يطلعون السعر اقل

ومن الحين ان شاء الله انا بكون معاكم

انا اخالفج
المعارض هذي يرتادونها اكثر شي اللي دخلهم محدود
فاذا قلنا لهم فندق بيحكمون على الاغراض انها غالية وما بييون
ووايد عوائل ما يحبون يروحون فنادق ولا يسمحون لاهلهم انهم يروحونها
شغلة ثانية اذا خذنا فندق بندفع اكثر وشي طبيعي البضايع بنرفع قيمتها عشان نعوض
فانا اعتقد ان صالة عادية بتكون احسن
مثل صالة بوشهري او صالة طيران الخليج او صالة مسيد شيخان او صالة الجمعية البحرينية لتنمية المراة
القاعة في جمعية المهندسين ايجارها خمسين دينار في اليوم بس مادري اذا يسمحون باقامة معارض او لا

شوفي حبي كيوت ماقدر اشتط الحين معاج وانا مو متاكده من البضاعه اي وقت وتصلني خبرتني البنيه انها عقب اسبوعين بتوصلني اذا تاكدت انها في يدي اهني بشتط عدل وباروح ادور معاج على صاله

حتى لو مو متاكدة فكري معانا
انا اساسا ما جهزت البضاعة
بس اول ما نتفق على شي بروح اتفق واطلب
بعد ما يصير اطلب وبعدين يمكن ما نسوي شي

شوفي حبي انا اقترح نشوف مكان مايكلف وايد علشان مانزيد السعر على الناس
وعقب مانشوف المكان المناسب انزل اعلان في الجرايد عن الوقت والتاريخ والمده الي بيكون فيها المعرض مفتوح ونجمع التاجرات الي يبووون ينضمون لنا
حتى لو كانوا من الاسر المنتجه