بنات البحرين وقطــر... طلبتكم!!؟؟

افاااااااااا وينكم يابنات؟؟

ثوب النشل ماله موديل جديد

موديله معروف ماتغير من عرفناه

اللهم الالوان اللي تقدرين تنتقينهم على كيفك

وعادتا ثوب النشل يكون من لون واحد و تطريزه با ذهبي او فضي

بس في ناس يسوونه مفحح .. والمفحح هو عباره عن ثوب نشل ملون بعدة الوان يعني مثلا في الثوب نفسه يكون 7 الوان او اكثر

عندنا محل في سوق المنامه ناسيه اسمه بس هو قريب من مجوهرات ابسرا .. اسالي عنه


وعلى فكره النوع الاصلي اسعاره مرتفعه ..

الحمدلله.... في احد علي

مشكورة اختي على الرد.. انا عارفه انه النوع الاصلي غالي.. وانه الموديل ماتغيير
بس قصدت تشكيلة او ديزاين التطريز نفسه...

واعرف انه الالوان الاصليه احمر واخضر واسود وابيض... وهذا موجود عندنا
بس قلت يمكن الحين يسوون الوان على الموضه.... وانا بصراحه خاطري بالون اللسكري مع تطريز ذهبي.....

واشكرك مره اخرى اختي...
بس بغيت اسم المحل وموقعه.. لانه ناوية ازور البحرين في يوم واحد وماراح الحق افتر بالسوق..

تحيــــــــــــــــاتي

اختي في محل في مجمع يتيم اللي في سوق المنامة يبيع اثواب نشل... ماعرف عن الاسعار بصراحة ولا اعرف شنو الالوان اللي عنده بالضبط...
بس شفت عنده نشل من بره..

هلا اختي .. حياج الله

بالنسبه للالوان الاصليه صح اللي قلتيه ماعدا الابيض :)

بس اختيارك حلو للسكري مع الذهبي


للاسف اسم المحل ناسيته ...

بس المحل مايضيع روحي سوق المنامه شارع باب البحرين واسالي عن سوق الذهب وين ؟؟

في طريقك وقبل لاتوصلين بناية سوق الذهب بتشوفين على يمينك محل اسمه مجوهرات ابسرا .. اعتقد قبل المحل او يمكن بعده في مدخل صغير ( شارع ضيق ) بتلقين هالمحل فيه ..

ترا في فرق بين سوق الذهب و مدينة الذهب ... وتراهم بنفس المنطقه ... وانا اللي اقصده لك سوق الذهب . المبنى القديم .