ورود ضائعه @orod_dayaah

عضوة نشيطة

بنات البكالريوس مطلوبين للحظور لو تكرمتوا

مساء الخير على الجميع.....
بنات انا جايه مرافقه مع زوجي وابي اكمل دراستي هنا بكالريوس طبعا
جالسه ادور على قبول مشروط بس مالقيت كل الجامعات اللي قدمت عليها
يقولون يبون توفل وماعندهم برنامج لغه بصراحه تحطمت لان ودي ادرس في معهد تابع للجامعه..
.اولا... حبيباتي حبيت اسئل عن دراسة البكالريوس هنا صعبه ولا لا واذا احد يدرس ادارة اعما ل لان ودي ادرس في هذا التخصص
ثانيا ...هل دراسةاللغه يبيلها وقت عشان اتقن اللغه مع العلم ان لغتي متوسطه مش بطاله .

ماادري ليش حاسه باحباط لان عندي ثلاثه اطفال وحاسه انو ماراح استمر
الله يجزاها الجنه اللي ترد علي وتقول لي عن تجربتها....

يلزم عليك تسجيل الدخول أولًا لكتابة تعليق.

تسجيل دخول

كراع نمله • 14 سنة

دراسة البكالوريوس اصعب من الماجستير وفي كلا الحالتين مافيه شي سهل

ادراة الاعمال يحتاج لغه قويه لان اغلبه بحوث وواجبات

حتى فيه مواد في ادارة الاعمال مافيها اختبارات نهائيه بس واجبات وبحوث<<<<يمكن ماده او مادتين ماني متذكره

اللغه طبعا يبيلها وقت وممارسه بس كله بيدك بعد الله

ومن قال مافيه برنامج لغه؟ على اي دوله انتي جايه؟

ماادري عن امريكا بس لو بتدرسين باستراليا ممكن افيدك من هالناحيه

بس اللي اعرفه بشكل عاام البكالوريوس مو لغه وخلاص ادخلي الجامعه

لا لازم تدرسين بعد اللغه سنه تحضيريه(فاونديشن)

موادها كثيره شوي ومدته سنه تقريبا عباره عن ترمين او ممكن تاخذين 3

<<<<هاذا نظام جامعات استراليا

موفقه..

لا للخلطات • 14 سنة

الجامعات اللي تعطي قبول مشروط اكثر شي للبكالوريوس وقليل للماجستير
واغلب الجامعات يتبع لها معهد لغة

انتي اي ولاية في بالك؟

أم طموحه • 14 سنة

لا للخلطات :

الجامعات اللي تعطي قبول مشروط اكثر شي للبكالوريوس وقليل للماجستير واغلب الجامعات يتبع لها معهد لغة انتي اي ولاية في بالك؟

الجامعات اللي تعطي قبول مشروط اكثر شي للبكالوريوس وقليل للماجستير واغلب الجامعات يتبع لها معهد...

اهلين ورود ضائعه ...
كثير جامعات تعطي قبول مشروط للبكالوريوس ...وجامعتي من ضمنها بس للاسف الملحقيه مسكرتها من فتره ..
بس فيه غيرها كثير ...
وبالنسبه لصعوبه الدراسه ....البكالوريوس يتطلب مجهود اكبر من الماستر لانه ساعاته اكثر ومواده اكثر ...
وهنا يعتمدون على الواجبات والبحوث باستمرار ..بس صدقيني اذا انتي حاطه ببيالك انه تدرسين بتكملين مهما كانت الظروف اللي تمرين فيها ...
وبالنسبه ل هل يمديك عاللغه او لا بفتره وجيزه ..هذا يعتمد على اشياء كثيره زي حصيله الكلمات اللي عندك خلفيتك عن اللغه ..مجهودك في انك تتعليمن كلمات جديده وتشوفين افلام وبرامج بالانقلش ..وتقراين برضه بالانقلش ..يعني يعتمد على مجهودك الشخصي باختصار ...
وبالنسبه لانه عندك 3 اطفال ...انا اتذكر بالسعوديه وحده كانت تدرس معنا وعندها 8 اطفال ماشاء الله وظروفها سيئه وماعندها شغاله ولا شي وقسمها كان مررره صعب ...بس الحمدلله ربي اعطاها على قد طموحها واتخرجت بمعدل زين وتر تيب عالدفعه ...مافيه شي مستحيل ..الله يوفقنا جميعا ..

Elaaaaf • 14 سنة

مافيه شــي مستحيل
انت ادرسي لغة اول شــي وربك يسهلها ان شاء الله

ورود ضائعه • 14 سنة

الف شكر لكم بنات والله يسعدكم دنيا واخره على ردودكم..
كراع نمله...لما قرات ردك حسيت باحباط وخوف ...
لاللخلطات ...انا كمان تعجبت بس من جد قدمت على جامعتين يقولوا مافيه برنامج اجيهم خالصه بالتوفل....وانا بامريكا بنيوجيرسي ......والمشكله اكيد فيه جامعات ثانيه بالولايه بس بمدن ثانيه
عملت بحث ولقيتها بعيده المشكلهانو مقر جامعة زوجي راح يكون بمكان وانا بمكان ولا كان نقلنا
قريب من الجامعات .>>>>قلت قصة حياتي
على العموم مشكورين على ردودكم وربكم يسهلها ..
بس حبيت استفسر عن التخصصات ماراح اقول سهله لان مافيه شي سهل بس يكون اخف من غيره...