بنات الثلاثينات وفوق تعالوا نتكلم هنا

السلام عليكم ورحمة الله وبركاتة
طبعاً قبل كل شيء انا بنت حالي من حالكم تجيني اوقات ضعف كثيرة واوقات ابكي كثير كنت اصبر البنات اللي هنا بس خلاص وصلت لنقطة مقدر اتعداها ولااقدر اساعد نفسي ولا اساعد اي احد
انا بنت عمري فوق الخمسة والثلاثين لو اقول لكم ان حظي ردي يعني مو متوفقه لابزواج ولا وظيفة ولا صحبات ولا احد الكل يتحاشاك من الناس وكأن مسوية جريمة وهالشيء بيد ربنا مالنا حكم فيه واذا احد انخطب الكل يدري الا بيتنا ليش لان عندكم بنت عانس!!!!!!
تنفهمين غلط وان انتي حسوده وماتحبين الخير ليش لانك للحين ماتزوجتي!!!!
الناس يتجنبونك مايبونك ليش لانك ماتزوجتي!!!!
الحريم يخطبون واذا جاء اسمك خطروه واخذوا اللي بعد لانك كبيرة بالعمر ومااحد يبي قدك !
انا ماانخطب ولا احد يفكر فيني حتى لو تكشخت بالاعراس والحفلات لدرجة ان انا بعرس جالسة مع امي الله يحفظها ويطول بعمرها جات وحده لطاولتنا علشان تسأل عن بنت ترقص بالجهة الثانية بتخطبها وهي والله ماتزينت ولا ترتبت بس ماشآء الله نصيبها جاها
لما وحده قالت لي عطيني رقم اختك مو رقم اهلك في فرق صح!!! وحده حسوده صارت كل اسبوع تسأل ان هم اتصلوا ولا لا واكيد اتصلوا ومايبون يعلمون ومن هالكلام اللي مالهم دخل فيه بالاساس!!!! واصلاً هي ماقالت بتخطب ولا شيء هم افهموه كذا !!
والله صرت حساسة واتحسي من اي كلمة تجرح حالي حال كل البنات اللي بوضعي مااحد اطلع لاحد او اجتمع بااحد لان اللي سوالفهم حريم واللي مشاكل اعيالهم واللي يجهزون لعرسهم واللي انخطبوا واللي توهم عروسات وكذا مالك مكان بين اي مجموعة حتى بنات كبري ماتزوجوا بعايلتنا مافيه


ماشآء الله كل بنات العيله متزوجات مابقى الا البزران اللي بالجامعة وبثانوي اول وتحت وانا اكبر وحده بينهم ماجاني نصيب واستحي اروح مكان لان كل مجموعة لحالها واحيان يجلسونك مع مجموعة الثانوي اللي ماتزوجوا وكذا وذولا مايبوني طبيعي اختهم الكبيره انحسب ولا سوالفهم تصلح لي يبون ياخذون راحتهم احيان اتفشل من نفسي احس اني ثقيلة ماودي ازعج احد فيني !
حالياً النفسية وربي دمار انخطبوا بنات ياكثرهم عندنا من العيلة وبرا عيلتنا واغلبهم بيني وبينهم 15 سنة واللي 14 واللي9 سنوات بينا حتى عندنا بنت كانت امها تحاتي تبيها تتزوج ماشاء الله لها فترة تزوجت ومتوفقة بااحسن الرجال
وربي مااحسد احد الله يوفقهم بس تحسين نفسك منبوذه من الناس من يشوفونك يتوقعون انك متزوجة وعندك اعيال ويقولون اخبار العيال طيب انا مااعرفك ولاتعرفيني كيف حكمتي اني متزوجة او عندي اعيال مو حلوه هالحركة بصراحة تنقهرين على نفسك من هالتصرفات !
الكل اللي اعرفهم يأسوا اني اتزوج صاروا يقولون عقبال فلانه وعلانه ويتجاوزوني وانا جنبهم واللي من كلامهم خلاص فاقدين الأمل اني اتزوج واضح من الكلام والله يحز بخاطري بس ماارد على احد !
عمتي تطنز علي وتقول كلام يجرحني ووحده بعد جرحتني بالكلام لما قالوا عن بيتنا قالت خلصوا ماباقي منهم احد اجل انا اللي واقفة جنبك ايش جدار مثلاً!!!!!
يجيك مواقف وكلام يخليك وربي تبكين دم انا لما ادخل غرفتي ابكي بصراحة بس ماابكي قدام احد الا اذا وصلت معي خلاص مااقدر اتحمل !
لااحد يقول الزواج مو نهاية الدنيا ولا ربي خلقك علشان تتزوجين بس هذا سنة الحياة لو مو مهم الزواج بالنسبة للي تقول كذا ليش تزوجتي اجل واللي ماتزوجت وتكتب كذا لاتكابرين هذي فطرة ربي خلقنا جميع عليها
واكره شيء لما تجي وتدرعم متزوجة ومخلفة اولاد وش كثرهم وتقول ايش تبين بالزواج هم ومسؤؤلية اجل ليش تزوجتي انتي وخلفتي كان ظليتي ببيت اهلك دامه مو مهم بالنسبة لك !!!!
لااحد يدعي المثالية ولايمثل علينا حنا بشر نحس ونشوف ! كلامي مايفهمه الا الثلاثينات والاربعينات وطالع اللي ماتزوجوا كلنا نفس الاحاسيس والمشاعر وفاهمين بعض اكثر من غيرنا بصراحة !!!!!
اللي بالعشرينات لسه صغيرة والله لان حالياً الزواج صار متاخر والناس يفضلون بنت العشرينية اكثر وبنت الثلاثينة وفوق لو هي موظفة فقط ممكن يتنازلون عن العمر لاجل الوظيفة !
اول سؤال يسألونه اي احد لما يقابلونك انتي موظفة !!!!
انا ولله الحمد اغلب الاشياء مسكره بوجهي ابوي متوفى الله يرحمه ماعندنا سكن ماعنده راتب عايشين على الله ثم على الضمان الفلوس محدوده جداً وماتكفي لا فواتير ولاايجار ولامقاضي ماتوظفت ماتزوجت ماعندي صديقات بس نقول الحمد لله على كل حال.
والله انا انثى حالي حال اي انثى بعمري واكبر تجينا لحظات ضعف ولحظات يأس ولحظات موجعه ولحظات وسواس ولحظات خوف من المستقبل !
كتبت لكم فضفضتي لاني بصراحة لم اعد احتمل فقد كتمت بداخلي اشياء فوق اشياء فوق اشياء وهموم فوقها هموم الى ان جاء الوقت لبوح جزء يسير منها اتمنى ان تتقبلوني كااخت وفضفضتي كاانسانة