انا فتحت الموضوع لأن فكرة اختي علكة بالفراولة عجبتني وبما أنهم قفلوا الموضوع حبيت افتح موضوع يخص بنات الجامعة والي بيدخلون الجامعة ولكل من عنده خبرة لا يبخل علينا ..
يعني حابين نستفيد من بعض من ناحية اللبس وكل ما يتعلق بالجامعة بشكل عام طبعا الجامعة تطلق على ( الكلية ) ايضا ..
يعني من وين تشترون اغراض الجامعة .. وكل وحدة عندها سؤال البنات مارح يقصرون بس لو سمحتوا ما نبغى تواقيع ولا نبغى الموضوع ينقلب شات عشان ما يتقفل ولكم الف تحية ..
رح ابدأ بنفسي
بنات والله انا لما اجي اشتري للكلية البيت ينعفس فوق تحت لأني ماادري وين اروح احيانا اروح صحارى الرياض بصراحة شيء حلو وايتام قبل فترة سوى تخفيض روعة واشتريت اشياء حلوة .. والعليا مول فيه في ايتام بعد اشتريت منه .. بس لما تقرب الدراسة لازم اروح اشتري لأن وزني زااااااااااااااد خصوصا التنانير مافيه الا تنورتين هي الي تجي قدي وماسكة بعد ..
الشنط اشتري من ايتام انا من عشاق ايتام بس احيانا يجيب بضاعة خايسة ماادري من وين يجيبها .. المهم انها محلي الاول ..
الماكياج انا ما احط ماكياج ما شاء الله على البنات احس انهم رايقين ودي اسألهم متى يصحون يسوون ماكياجهم وسشوار وحركات انا اتسبح وارفع شعري فوق بشباصة واحط واقي شمس ماركة roc وكحل داخلي وبلاشر وروج وردي واحيانا ناااااااااااااااااادرة حسب الرواقة احط ظل وردي او سماوي يعني الألوان الفاتحة بس غامق مستحيل ..
والجزم شبشب وانتوا بكرامة يعني شيء مريح لأن الكلية زحمة ومو ناقصة تعب ولا لي خلق البس جزمة مرتفعة ومع الحر مستحيل البس مغطاة يعني شبشب بس سؤال بنات الشبشب احسها تجفف الرجل بس ما شا ءالله انا اشوف بنات كل يوم شبشب يعني مكشوفة ورجلينهم ما شاء الله تبارك الرحمة قطنة وحمراء ونظيفة ما ادري وش السبب العيب في رجلي ولا كيف ؟؟؟
(تعرفينهم من الخوف اللي في وجيههم _ ومن نظراتهم البريئه _ من كثر ضياعهم في المباني )
ماودك الا تناظرينهم
والله مساكين
اما با النسبه لأغراض الكليه انا اشتريها من معضم أسواق الرياض ومالي ماركه معينه
ولو أحتجتو اي مساعده أنا حاظره