اهلين سلكــ

حياك الله ..

يلا انتي اول سنه وانا اخر سنه ..

بالتوفيق قلبو ..

بعدين بعلق على كلام الاخت اللي تقول مافي جامعات بالدمام .. وفيصل وين ؟؟؟

ولا بس بالحساء ؟؟؟

بعدين ترى كل كليات البنات بالشرقيه انضمت لفيصل .. يعني دفعه العام ودفعات هالسنه والسنوات الجايه ... يتخرجون من الكليه بشهادة من فيصل ..

المهم .. حبيبتي ..

اتوقع انك يا بكليه العلوم يا الاداب .. <<< احلفي ..

انا بالعلوم << وبتكلم عني ..

طبعا معروف اذا انتي اداب .. التنورة سوداء واذا علوم كحلي .. والغالب جينز ..

طبعا البلايز اي لون والكم حتى لو جبنيز عادي .. << تطورنا اول يحشرونا .. خخخخخخ:22:

انتبهي اذا انتي علوم تلبسين تنورة سوداء لان في بعض الامن يهاوشون وفي مباني ماتدخلينها ..

بالذات ع2 اللي فيه الاقسام الاداريه <<< دايم يطيحون فيها خوياتي ..

وبنسبه لعباتك .. تقدرين تستأجرين لك درج ..

بس احتمال ما تلاقين .. فعندك حلين وقتها يا انك تحطين عباتك بالشنطه <<ولو اني ما احب هالشي ..

واكيد ما احب اني اترك عباتي كذا يعني فوق الدروج او بالممرات نوووو وي ..

فشوفي ممكن تطلع وحدة من البنات اللي تعرفتي عليهم عندها درج تشاركي معاها .. <<<ترى عادي ..

من ناحيه الجزم وانتو بكرامه .. نصيحه مدامك سنه اولى اكيد بيمشورونكم من مبنى لثاني وهذا يهون لو كان بينهم بريك بس المشكله لما تكون محاضرة ساعه وبعدها ساعه ثانيه بمبنى ثاني .. هنا المشكله ..

فانصحك بالسبور .. والتنانير ملايناه بالسوق .. اشوف البنات طايحين حيل بالميدي .. بس ان احس انها تناسب اللي اجسامهم اوكي مو كل من هب ودب لبسها ..

والشنط شوفي العلوم = كتابه .. يعني الاداب ملازم اغلب شي .. يعني يكتبون ملاحظات ..

حنا لا حنا نكتب المحاضرة نفسها .. لان حتى الملازم تنزل متأخر .. وغالبا الكتابه مع الدكتور افضل .. لان مو كل شي بالملزمه ..

اشوف اغلب البنات عندنا تجعيد شعر وحركات وفله .. تعرفين سنه اولى وثانيه بهالحركات .. لان ثالث ورابع يكونون خشو بالتخصص يعني خشو بالعميق .. فمافي وقت بس بالنسبه لي تعبت من اللوك الرزين .. ابي اغير ابي نيو لوك لسنه رابعه .. يعني الحمد لله قدرت انزل وزن ملحوظ وباقي بنزل .. ودي اغير لوك لبسي ومكياجي .. يعني من مجاميعه ..

بالنسبه لشنط .. اكيد خوذي كبيرة .. بس لامانع تكون عندك شنطه صغيرة اذا تحبين تاخذينها باليوم اللي يكون جدولك خفيف ..

يعني ما تقيدين عنرك بشي معين ..

وانتبهي على بشرتك ..

انا للحين يديني من بعد الكف لين الكوع محترقه من الشمس .. تعبت اعالجها وتصير اوكي ومن ارجع لدوام والشمس ترجع زي اول ..

بس ان شاء الله هالمرة غير .. ولا تنسين النظارة الشمسيه اختاري اللي يناسبك ويناسب اللوك اللي بتمشين عليه بالكليه ..

اشوف الوضع عندنا ان سنه اولى وثانيه .. اهتمامهم بالبس اكثر والحركات المجنونه اللي تعجبني حيل ..

والمكياج مجرد كحل داخلي غابا ما يكون ازرق <<< مع الجينز .. او اخضر او اسود وهذا اللي نادرا .. يعني اللي يناسب لبسك ..

الاكسسوارات والشرايط دارجه بكثرة ..

الاحزمه بعد ..

وش بعد ..

في راسي الف شغله وشغله ..

بس زي ماقلت الاداب غير عن العلوم .. قوللي انتي وشو اول وقتها اقدر افيدك اكثر ..

موفقه قلبو ...........:26::26:

الاداب غير العلوم وفيصل غير عنهم كلياً
صحيح انظمو بس ماتغير شي ..


اذا انتي في فيصل ..مافي قيود ع اللبس ومحد الحين يلبس تنانير جينز كلها جيرسيه وقطن
واذا تبين نصيحتي لا تشترين شي الا اذا دخلتي الجامعه شوفي ستايلات البنات والدارج وبتعرفين وش تشترين

اذا في فيصل غالبا ماراح يكون في مشاوير بالشمس يمكن مره بالاسبوع بس تغيرين مبنى
بس الغالب بمنى واحد ومسكر وبراااد ومااافي شمس <-- احلى شي


ونشوف انتي وين

صادقه سوسا النظام من جامعه يختلف .. والتنانير صراحه الجينز ابد مو حلوووووووووهـ
والسنه اللي فاتت دارجه التنانير الجرسيه ابرد وخفيفه

وبس كبدايه لازم تشترين نظاره شمسيه ماركه-شنطه ماركه <<احنا بالجامعه لازم ماركات مدري عنكم

مايخلى دولابك من كم قميص ذوق ومرتبين وعاد بعدين تشوفين كيف اللبس عندكم

ااااااااااااااااااب

حركات الصراحة انتوا

بس شي حلو انه فيه الوان معينه
نحن بعمان نلبس اللي نبيه

مع انه دراستنا مختلطة
وما نفسخ عباياتنا بس نكشخ تحت العباه

وعاد يعتمد تنانير وبنطلونات
وبقية الاشياء قوم واقي ونظارات وشنط ونعل (أكرمكم الله)
نفس حالاتكم
ولو اني ما استغنى عن الكعب لاني قصيرة

ان شاء الله البنوتات يفيدونج

بس حلو انكم تدرسوا بروحكم بلا صدعة الشباب والله وناسة من خاطر