بنات الجني عذبني

السلام عليكم
بنات المس العاشق ذا كان قليل ظهوره وتحرشاته لكن احسه الحين شوي تطور واخاف يتطور أكثر 😭😭 بنات صار يتحرش بي كثير حتى وانا جالسه بالباص وحتى بالمحاضرة تخيلو ماعد صرت اقدر اركز احاول اتجاهلة بس ماقدرت واحيانا يسبب لي ألم بعضامي وأماكن ويتغير وجهي وانحرج من الدكتورة والبنات احاول اخفي ملامحي وشعوري حتى دايم ادعي انه مايثبتني ومايخليني اتحرك ويحطني بموقف محرج حتى يخليني انوم غصب ومااقدر افهم شي في الدرس ويصدعبي ويدوخني
بنات وقت تحرشه اقدر اتحرك بس بصعوبة واحس في شي بمخي يثبتني ومايخليني اتحرك ويلا احاول احاول وبعدها اتحرك
بنات انا متأكده انه بيتطور معي وبتصير معاشرة اقسم لأنتحر مااتخيل نفسي كاني متزوجه عندي فوبيا من الرجال والزواج نفسه ورفضت الخطاب عشاني اتقرف واخاف من الرجال وحتى دايم احلم فيهم كوابيس وبس رجال يناظر فيني بالغلط بالطريق اترقف واسرع مشيتي وحتى مرة ركبت الباص اول بنت وكنت وحدي مع السواق باكستاني المهم دقيت على اهلي يجون عندي من مسافة بعيده بس عشاني خايفه وحتى ان السواق راح يصلي بس وسوست وقلت خلاص نهايتي وتعبت اهلي وارسلو اخوي عندي الي انا اكبر منه بس عشان اسكت لين جو البنات
احيانا يجيني خوف بدون سبب وانا ماكنت كذا تخيلو من جد ماكنت اخاف ابد وحتى ان مرة انرفعت من سريري يعني حسيت ان شي يرفعني فوق وينزلني بنات وقتها قلبي ماشاء الله مدري وش اقول قريت ابو الكرسي ولاخفت ولاشي عرفت انه ملا شيطان ملقوف😂😂 الحين لو صارت لي بفجر البيت بصياحي
وحتى الضحك ماعد صرت اضحك من قلبي واضحك مجاملة واحس بصعوبة بالضحك تخيلو! وحتى استغرب من الي يضحكون على مواقف تافهه اقول سخيفين وانا قبل كنت اضحك على اتفه شي لبن تدمع عيوني وحتى اضحك وحدي اذا تذكرت موقف بس الحين تغيرت بس الحين مااعرف اعبرلكم بس الي اوصل لكم فكرة اني تغيرت فيني أشياء كثيرة في فترة قصيرة يعني انا عندي عين وحسد من طفولتي بس التحرش والجاثوم جديد له سنه مدري سنتين بس ماكان التحرش متكرر كان حتى من يوميا بس مرات بالاسبوع ووقت النوم بس
بس الحين اكثر من مرة باليوم مدري ليش حتى وانا جالسه بنات ماني قادرة افهم كيف يجي وانا جالسه
وقت النوم احاول انام بسرعه عشان ارتاح مع اني يجي قبل النوم اقول بنفسي انتظر لين انام حرام تعذبني انام على بطني جا على ظهري جا قلت يمكن الوضعيات ذي تجيبه وصرت انام على جنبي ويجي حتى اليمين😕
كنت قبل اقول اتخيل بس يوم تأكدت أنه عندي صارت عندي اعراض بوقت قصير يعني انا تأكدت منه من قبل شهر وميه بالمئة قلت انا عندي ومتأكده وبعدها احسه طلع وجهه الحقيقي وماعد صار يحاول يخبي نفسه زي قبل
والله زمان كنت اعاني وقربت من الجنون اقول لاوين ما عندي شي واجلس اضحك شوي احزن وأقول من جد عني شي يعني تقلبات مزاجية حادة جننتني بس الحين خلاص الحمدالله عرفت
بنات انا حاسه انه جالس يعذبني عشان شيئين
الأول يمكن يوم أمس اكتشفته وخلاص طلعت حقيقته الشيطانية والثاني يمكن اني وقفت عن ممارسة .... مدة شهر وعليها وابي اتبرأ منها طول حياتي لأني ماكنت ادري انها تجذبهم وسبب المس
حتى شي داخلي يقول تبين اريحك واتركك سويها والا تحملي الي يجيك
استغفرالله مدري ليش وش دخله مني انا يعني مايكفيه انه يشبع نفسه ليش يبيني اسويها

بنات لاتقولون انا اتخيل لاني فجاة اكون مركزه بالمحاضرة او بجوالي وفجاة كذا يجي! حتى صرت استهزأ في نفسي بايات وبالرسول وكلام ماينقال استغفرالله ياربي واعاقب نفسي بعدها واحلف اني اقرا قران عشان ماعد يعيدها الحيوان ويخليني اتكلم على ديني
ياويلي ياكثر كلامي تحملوني والله اني اعاني 💔
بنات شفتو العظم الي تحت آخر الظهر عندي يوجعني والعظم الي ورا احيانا اليمين أو اليسار كان سكين تغرس فيه واحس بشي يتحرك جوت فخذي ورجولي ويمشي
حتى القلم وانا اكتب في المحاضرة رجفة بيديني وبجسمي انا يابنات اذا جا مااخاف منه يمكن لأني تعودت بس كذا ارجف انا اخاف من الكوابيس والظلام ماكنت اخاف منه البارحه يوم طفو اهلي النور نمت على وضعية النونو الي ببطن امه وانا اترجف حتى اسئل نفسي وش فيني سلامات واقول بلادلع 😂 صرت اكلم نفسي بصيغة اسمي مثلا اسمي ريم اقول ياريم انتي كذا وكذا لاتصدقون اسمي كذا 😂 بس احب ذا الاسم
صرت ادوخ ومشيتي كاني سكرانه اقسم شكلي يضحك حتى قومة الصبح ماابي ماابي تغير ملابسي واكشخ مثل قبل للجامعه اقول عادي جمال طبيعي وبس البس وامشط وبس 😂😂 كسل غير طبيعي
1/اسئلتي الحين والي ابيه باختصار هو هل المس عذبني عشان العادة اني تركتها او اني عشان اكتشفته ؟؟
2/ هل يابنات انا طاهرة لأني حاسة نفسي اني دايم مو على طهارة يعني معقولة لازم اتروش باليوم 5 مرات عشان كذا ولاعادي من لازم بنات ذا السؤال حيرني من جد مدري صلاتي مقبولة ولا
3/بنات انا تعذب اذا استسلمت له ونمت لان يابنات مو بيدي شي كيف امنعه بيجيني حتى لو جالسه ان حتى واقفه تخيلو اذا وقفت على جوالي او في زاوية 😭😭 هذا تعذيب يابنات لاتحسبونه شعور حلو دايم لاوالله انه الم قوي انا عارفه انه يبي يعذبني ليش ليش انا وش سويت مالي ذنب
ها يبنات لي ذنب ولا وش تبون اسوي يعني لازم اتحرك 24 ساعه عشان اعانده مستحيل
ياليت اني بقيت جاهلة احسن ولاعرفت حقيقته كان ارتحت حتى يبنات الرقية والقرآن تتعب ترا ويبيله مشوار طويل يعني انا الحين ابغا الجامعه بلا كيف اعالج نفسي تعرفون عناد المس العاشق هو بالذات عناد ولا مرة خلاني اصيح او ابكي عند القران ولاقد غمي عليا ماتضهر اعراضه سرعه انا شاكه انه مارد لانهم هما يتحملون واقويا عن والعفاريت
الطيار مارد ولا انا الي عندي طيار متأكده
والسلام عليكم اسفه على ازعاجكم