بنات الحاسب الي بامريكا

حياك الله اختي.. ..انا ماعندي خلفيه عن دراسة الحاسب في الخارج بس لعلمك درساته لايمكن تمر عليك سنه من غير مايكون فيها مادة رياضيات او احصاء خصوصا ال3 سنوات الاولى

لذلك شوفي اذا انتي ماتحبيه نهائيا ولاعندك استعداد انك تتعبين عشان تفهمين لاتدخلينه ادخلي اي تخصص حلو شوفي وش التخصصات المتاحه في الجامعه واللي تناسب طموحك وادخليه

معليش انتي اللي بتدرسين مو زوجك ((انا فاهمه نظرية زوجك من شدة ماهو معجب بالقسم حاب انك تتميزين فيه)) بس اهم شي رغبتك انتي.. ..

يعني هو حلو للي تحبه وللي مستعده تتعب فيه وتتحمل لانه قسم مضغووط شوي.. ..ويبي دراسة بكل وقت عشان تحصلين

هذا بالنسبه لتجربتي وان شاء الله تلاقين احد يفيدك.. ..مع اني ماجربت دراسة الخارج الى الان بس حلو لو بغيتي تجربينه وتدرسينه.. ..يعتبر شي يستاهل التعب.. ..

مشكوره اختي اليمامه 2010

ماقصرتي على الاقل عبرتيني بس انا حاسته صعب تعرفين بعد اللغه ماهي لغتي الي اتكلم فيها يعني صعوبه لغه وتخصص
والله يوفقك ان شاءالله
وياليت اذا احد عنده خلفيه يفيدني مشكووووووووور

لاعادي لاتشيلين هم بس يمكن مانتبهوا البنات لسؤالك يعني اصبري شوي عليهم وخصوصا اللي عندها خبره ماراح تقصر معاك... .

وبالنسبه للصعوبه تراها في كل قسم.. ..بس الحاسب يبي جديه في البدايه وبعدين خلاص تتعودين على العموم انتي استخيري قبل ماتآخذين براي احد... ...

وترى حتى في السعودية الحاسب دراسته كلها انجليزي.. ..لاتشيلين هم وعقبال مانسمع اخبارك الحلوة.. ..

سعوديه ياقلبو
بالعكس زوجك كلامه صحيح 100% علوم الحاسب مايبغالها شي انا توني متخرجه منها وكل دراستي بالانقلش والرياضيات فيها حق الثانويه بس بالانقلش ومطور حبه يعني مايفرق كثير وانصحك نصيحه كملي بكالريوس فيه لانه تخصص مطلوب وترا مو كل يقدر يدخله انت راح تاخذين فتره لغه وتتقوين باللغه وبعدها خلاص كل شي تساهيل
انا درسته بالسعوديه لالغه ولايحزنون بس مع الوقت تعودت على المصطلحات انتي توكلي على الله واستخيري وادخلي هالقسم ترا الرجال لهم نظره اوسع من نظراتنا يالحريم لاتفوتين هالفرصه
والرياضيات والاحصاء مجرد سنتين ونص وكل مستوى من هالسنتين ماده رياضايات وسهلات جداا وانا مثلك اكره الرياضيات بس شفتهم سهلات مايحتاجون اني اخاف منهم
والاحصاء مجرد ترمين يعني سنه وحده بس تاخذين فيها احصاء وبرضو شي عادي جدا
الشغل على البرمجه هو الاساس اذا انتي راح تاخذين علوم حاسب
واختلاف الراي لايفسد للود قضيه
استخيري قبل كل شي
والله يكتبلك الخيره
اي استفسار انا حاضره

الشكر للمره الثانيه لك يايمامه2010وماتقصرين الله لايقصر بعمرك ويوفقك يارب
وشكرا لك انتي ياكوين قلبه بس انتي ماتعرفين شكثر اكره الرياضيات كره شديييييييييييييييييييييييييييييييد
ماخسف نسبتي الا هو
بعدين انا اخاف الفشل خوف شديييييييييييييييد
لدرجه ان مافيه احد من اهلي يعرف اني ادرس للحين واني راح اكمل باذن الله بكالوريس علبالهم اني بس مرافقه مع زوجي
وانا حبيت ماقولهم لاني اذا حسيت اني مشيت ووفقني ربي ان شاءالله قلتلهم بس اذا الله ماكتب انسحب من قريب
ولاازال في انتظار من عنده الخلفيه اكثر وكثر