بنات الحقوا علي لا يطق فيني عرررق

السلام عليكم ورحمة الله


بنات ابي احكيكم عن اخت زوجي

هذي ياطويلات العمر اكثر وحده خدمتها طول فترة صحبتنا وعن طيب خاطر

مو لأنها اخت زوجي لا والله لأني كنت احبها جد وأعزها من وهي صغيره هي اصغر مني بأربع سنين

ست سنوات يابنات واحنا زي السمنه ع العسل

نسهر سوا سوالف وهرج وهبال

كانت عليها حركات بس كنت امشيها زي مره كان شعري طوووووووووويل لآخر ظهري

وجلست تقنع فيني اقصه وان القص بيطلع علي حلو هبلت فيني وانا ع أساس احنا صحبه ونيتي صافيه

قلت يلا ونروح انا واياه على المشغل واقص وطلع القص شييييييييييين علي قصيت قصير مره

يوم وصلنا البيت قالت اصلا انا بالعمد حمستك تقصين عشان لا تصيرين مميزه عنا >> صدددمه


بس ماكنت اوقف ع هالامور كثير ماكنت اتوقع ان كل هذا شر وبالتدريج قاعده تظهره لي

الحين يابنات قدام الناس تضحك لي وتسووولف واذا صرنا لحالنا يابنات نظراتها تخوووف

تخيلوا تخز تطالع من فوق لتحت


مره تقولي ترى ولدك مطيح بلوزته الي من جاكادي << يعني الغاليه بالحوووش وترى من شهرين شفتها ولا رفعتها قلت لها طشيها بالقمامه الله يكرمكم


ومره كنا نتنااااقش منو معازيمهم اكثر بعرسي والله يابنات الي قلته قلت تبين تعرفين معازيمنا من معازيمكم شوفي عرس فلانه < اخته .


نقاش عادي ناخذ ونعطي ونقنع بعض . قالت احترمي نفسك وحسني الفاظك << طيب انا مو مرت اخوك انا على الأقل وحده اكبر منك بأربع سنين يعني شوية احترام

والله انها قالتلي هالكلام وكنت انا الي مستشوره شعرها ومسويتلها مكياجها قطت هالكلمتين وقامت عني وتركتني طول الفرح لحالي


سبحان الله ويجي عرسها ومااكتمل بالصاله الا 7 طاولات واقول بنفسي سبحان الي نصرني وعرفها يوم عرسي المعازيم واقفين من كثرتهم


المهم وصارت بس ترمي بالكلام ولا احترام ولا تقدير وانا مش من النوع الي يرد كنت امشيها لها ولا عمري راددتها بالكلام

ماخذه راحتها الأخت ع الآخر وانا اترفع والله شئ ماتعودت عليه وألفاظ وحركات عمرها ما مرت علي ماعرفت شلون اتعامل معها

وهي ذكيييييييه قدام رجلي احترااام وتقلب معاي اخلاق عاليه ومن يقفي عني زوجي تقلب زي الشيطان والله اني اخاف منها يابنات


مره تقول انا تعجبني فلااانه تقول لأولادها حريمكم وأولادكم مابي اشووووفهم < وانتوا افهموها عاد


ولو بعدد كل الحكي باتعب واتعبكم


الزبده ان هالانسانه صارت مغروره علي بشكل وتعاملها معاي غريييييب

تبي تجرررح فيني ع طول امنيتها تشوفني مبهذله غريبه مره وش قلب البنت

الشئ الي تغير انها عاشرت بنات كذا تعاملهم مع حريم اخوانهم

وصارت نسخه طبق الاصل

بنات هالعينات شلون اتعامل معاهم

شلون اوقفه عند حدها

الي قاهرني تعاملها اشلون يتغير بين لحظه والثانيه وبس ننفرد بروحنا تقلب شيطان


افكر يوم افشلها قدام الي مسويه عنده ملاك

عشان تحسن تعاملها نفسي تكون لي هيبه عندها

وتتغير معاملتها اذا بغت غرض او خدمه او ادلها على محل جات تتميلح الين تاخذ الي تبي ثم ماعاد اشوف وجهها الا معبس

وانا مو متحسفه على شئ كثر ماني متحسفه اني كنت اسولف لها عن مشاكلي انا وزوجي ومواقف تحصل معي غبااااااااء

وهي الحين متزوجه ومتكتمه على كل شئ


وتصدقون اكون كذاااابه لو قلت اني كرهتها رغم كل الي سوته فيني

الي ابيه مابي اكووون كذا موقفي قدامها ضعيف

كيف اتعامل معاها وهي نقااااده مررره تنقد كل شئ شلون اسكتها ماتتلقف

الله يوفق ويسعد كل من تساعدني ويسخر لها كل عسير يارب :44: