بنات الحقوا علي مابعد تزووووجت؟؟

بنااااااااات الحقوا علي عمري ؟؟ وما بعد تزوجت!!!
كثيرااا ما نقرأ مواضيع للبنات عن هذا الموضوع وان اختلف العنوان و العمر ولكن لا يمر يوم بدون ما أقرأ
موضوع عن الزواج ... انا لا أختلف بأن الزواج هو سنة الحياة وحلم أي فتاة ولكن لا يعني هذا ان الله خلقنا للزواج والإنجاب فقط :(
كثير اتضايق على البنات اللي يكتبون هذي المواضيع واحس بأحساسهم والفراغ اللي يعيشونه لكني اتضايق اكثر على اننا صرنا نفكر بسلبيه وسوداويه ونفكر بكلام الناس بسسسسسس... ليش ما نفكر بايجابيه اكثر نفكر بطموحاتنا واهدافنا اللي لازم نوصل لها عشان نشعر بالرضا الذاتي باننا حققنا شي لذاتنا ولاخرتنا وما تكون حياتنا مجرد ساعات تمر بدون انجاز ولو بسيط يحقق لنا السعاده لان السعاده مو في الزواج وبس السعاده صحيح ممكن تكون في الزواج لكن الأكد انها موجوده في اشياء كثيره حنا غافلين عنها ....
في البدايه قبل مانسعى لتحقيق اهدافنا لازم يكون عندنا قناعه تامه بان الله وحده هو اللي بيده الرزق وكل شي مكتوب عنده قبل وجودنا في هالدنيا يعني اذا الله كاتب لي اني اتزوج راح اتزوج حتى لو رفض ابوي و امي وعمري وصل الخمسين فليش اتعب نفسي في التفكير في شي ربي كاتبه لي اذا اقتنعت بهذه القناعه راح ارتاح نفسيااااا :39:واعرف ان ربي ما أخر زواجي او ما كتبه إلا لخيره لي أنا ما أعرفها ...
بعد ما أقتنع تماما احاول اوصل لأهدافي وا شغل وقتي بأشياء مفيده لانه اذا اشغلت نفسي ما راح القى وقت اخلي الشيطان يوسوس لي ليششش انا ماتزوجت ؟؟ انا احسن من غيري وغيري تزوجوا ؟؟ ياترى فاتني القطار والا لا؟؟
راح اعيش حياتي زي ماهي واستمتع بكل لحظه فيها لان حياتي تبدأ من ولادتي مو من زواجي ياترى كم وحده تزوجت ومو سعيده في حياتها او تعبانه من عيالها او...... او..... كثير اشياء لو افكر فيها صح عرفت ان لها سلبيات و ايجابيات فاني اعيش حياتي بدون زواج احسن من اني اعيش تجربه قاسيه ما انساها او اضحي لشخص ويكون مايستحق التضحيه...
ادري راح تقولون ان هذا كلام مثالي وكلام الناس مايرحم و المجتمع و اهلي و... و.... بس أنا ليش أخليهم يحددون حياتي و اسلوب تفكيري حياتي لي وانا اللي ارسمها مو أي احد ثااااااااااني......
لازم اكون واثقه من نفسي و أعيش حياتي بكل تفاصيلها لاني ببساطه راح اعيش الحياة مره وحده بس فما راح اضيعها في التفكير في شي يمكن لو حصلت عليه افقد ابسط احلامي:(.....