بنات الحقوني الكنب بيفضحني

مرحبا اختي انا بقولج شنو تسوين حطي عليهم المفارش الخاصه بال(الكنبات ) بس تكون الوانها فيها من القنفات ومن لون الغرفه او الصاله وبجذي راح تنحل مشكلتج ولا تقولين لا تلبسون الوان فاتحه خخخخخخخخخخ موتيني من الضحك الله يسعدج يارب :)

مشكوره حبيبتي كتكوته
بس معقول افرش الكنب كله بهذه المفارش :(
يعني احط المفارش على الظهر ومكان الجلوس والظهر مدري احس اني ممكن احط مفرش ولا اثنين واذا زودت بيتشوه المنظر وانا ما احب الزحمه وزيادة الاكسسوارات , فكرة المفارش حلوه وانا كنت افكر فيها بس الله يعيني على العيال ما بيخلو شيء :(
او ممكن اخلي المفرش بايدي وبسأل صديقتي وين بتجلسين؟ بتقولي بجلس هنا بقولها شوفي فوق وبفرش المفرش في المكان اللي بتجلس فيه :hahaha:

رهيبة عزيمتك انا بحاول اجي العزيمة
للا تظغطين علية تبغين توسخين ملابسي
هههههههه معليش مداعبة بس حبيت اخفف همك
انا ماعندي حل بس لو كان عندك مكان اخر للاستقبال حطيهم فية
الله يعينك

هلا حبيبتي في هوم سنتر تلبيسات للكنب يجي مشجر كانه منجده الكنب حطيهم عليه وجربي وحده من الكنبات وديهم محل الي يغسلون الاثاث يغسلونه مره وحده وشوفي اللون راح ولا للحين يصبغ بالثياب واذا ضبطت غسلي الكنب كله امكن هذا لون زايد في القماش وبيخف مع الغسيل والله يعينك انا مره جلابيه حمره طبعت بالمفرش بغيت اموت شلون انت وعائلتك هههه

الله يعينك