انا بصراحة ما احب العدسات ولا حتى البسها
بتقولين ليش داخلة
يمكن اذا جيتي تسكرين العلبة تتسكر عليها وتنشق
او حاولي تغيرين المركز اللي سويتي عندة
او على قولت اختنا ام عبادي لصقيها بشطرطون
هههههههههههههههههههههههههه
يمكن كثرت الحرص هي اللي تخربها
لو انك من اللي مهملين كان ما انشقت

اختي انا مثلك دايم امزعها
بس المشكله في قلة المحلول دايم خلي اصابعك رطبه بالمحلول
والعلبه امليها به.

يا بنت الحلال .. انا لي حول الـ 7 سنين استخدم العدسات الطبيه ما سبق صار لي مثل جيه حتى العدسات الملونه ايه نعم كنت انساها فتره طويله وارجع الاقي المحلول نشف و نشفت معاه بس تكسر لااا .. شلون ..

الحل بكل بساطه .. لا تستخدمين الدائمه .. هذاج جربتي و شفتي انها ما توفر عليج لا بالعكس تكلفج .. و بعدين السنويه تحسينها ثقيله على العين اتوقع لان المفروض انها تستمر لفتره طويله فيصنعونها اسمك

انا استخدم الاسبوعيه و احيان اليوميه .. والله فررررررررق .. كنت قبلهم استخدم الشهريه و كانت مأذيتني وااايد حكه و ثقيله على العين .. اما الاسبوعيه او اليوميه خفاااف على العين و راس مالها اذا طاحت من عينج ولا صار شي جيه ولا جيه ترمينها و فيه غيرها نظاف و جداد في البوكس ... و سعرهن رائع بالنسبه لمميزاتهن ..

انا احيان شو اسوي .. اخذ الاسبوعيه و استخدمها لاكثر من اسبوع المهم تحافظين على نظافتها .. ما تحسين بالفرق ابد بس اذا فركتي عينك او اي شي صار للعدسه و انكسفت او خربت خلص لا ترجعين تستخدمينها ...

انصحج و بقوه تجربين لو مره اليوميات او الاسبوعيه و شوفي الفرق .. اتمنى اكون فدتج

مشكورين بنات بس كل اللي الاحتمالات اللي قلتوها
انا مااسويها ومحافظه عليها يعني انا مااستعمل الا محلول رينيو
ودايم اغير المحلول بأستمرار واحط كثير واعبيها محلول يعني مو شويه
وماانظفها لابالحبوب ولابالجهاز اصلا اول مره اسمع فيهم
عالعموم ماقصرتوا تعبتكم معاي يعطيكم العافيه...

الله يعوضك ياعمري هذي معاناتنا لكن وش نسوى الشكوى لله .شكلك تسكرين عليها الغطاء وبعدلاتستخدمين الحافظة اللى بالطول تراها شينة تشق العدسة واذا كان وحدة من عيونك فيها التهاب يجى الثانية لان المحلول مشترك بينهم .واخيرا روحى زي مااسوى واشتري وحده بس يحسبها لك بنصف السعر .