بسم الله الرحمن الرحيم
السلام عليكم بنات..انا في وضع ما يعلم به الا الله.
انا الان في نص الشهر الثامن وامس الصباح كان عندي موعد متابعه بالحمادي..المهم رحت عادي وكعادتهم نطول بالانتظار لان الطبيبات يطلعون فوق يولودون وعقب يرجعون للعيادة وهكذا،هذا غير اذا ماتنكسل موعدك اساسا وقالوا طبيبتك اليوم اجازه :o
وفعلا هذا اللي صار معي وقلت مو مشكلة دخلوني على اي وحدة،انا بس متابعه والحمدلله اي وحده ممكن تتابعني،اللهم بس يابنات كان لي فترة حاسه انه البيبي صاير يتحجز بزيادة ومؤلم التحجر.
المهم اول ما دخلت وخلصت وزن بلغت الدكتورة بالتحجر هذا وقالت لازم نحط لك جهاز مراقبة الطلق (ctg) يمكن عندك بوادر ولادة مبكره وما امداها تكمل كلامها الا وطلعوها فوق ولادة..ماشيكت على نبض البيبي ولا كتبت لي وصفة صيدلية ولا اي شي.
رحت اسوي اوراقي عشان يركبونه لي قالوا لي لازم ننتظر موافقه شركة التامين عليه وعلى ماتجي الموافقه بيكون دوام العيادات انتهى..تعالوا بعدين!
وانا اساسا كنت ناوية من قبل اخذ ملفي واروح مستشفى ثاني لاني بصراحه من تالي ما ارتحت لهم احسهم متسيبين ومهملين ومواعيدهم مو مضبوطه وماديين.
المهم طلعت عادي ويوم جاء الليل رحت مستشفى ثاني وطوالي ركبوا لي الجهاز وكانت المفاجأه،فعلا فيه طلق ولازم تنويم حالا ولازم اخذ ابرة الكرتزون حقت رئة البيبي ولازم بعد اخذ مهدئ الطلق منعا لحدوث ولادة مبكره لاقدر الله!
وولادتي الاولى كانت قيصري.
والله انصدمت يا بنات وخفت ولاعاد عرفت وش اسوي واصرت الطبيبه اني ارجع اتنوم بالحمادي فورا.
ماقدرت اتنوم عندهم لان مستشفاهم مابعد تفعل تأمينا فيه ويبي له أوراق وفاكسات وكذا.
طلعت عالحمادي سألت من مناوب واخترت طبيبه..لقطوني..ولادة..ولادة!
انا انهبلت وش ولادته ما ابي تولدوني!
طبعا هم من صالحهم اولد بدري عشان ياخذون فلوس زيادة على حضانة البيبي وعشاني قيصري بعد!
رفضت مره وقالو لا..لا خلاص بس بنركب لك الجهاز ونراقب الطلق.
المهم طلعت فوق جناح الولادة وركبوا الجهاز ونفس الحكاية حصلوا طلق..جات الاخصائيه قالت ابكشف عليك من تحت وررررررررررررفضت قلت لا ما ابي وش يضمن لي انك ماتفتحين كيس المويه ويزيد الطلق عشان اضطر تولدوني وانتم حتى الابرة حقت رئة البيبي ماعطيتوني..خلاص عطيني ابرة البيبي+ مسكن الطلق وتابعوا الطلق وان شاء الله يهدى ويروح (هذي التوصيه اللي عطونياها ذاك المستشفى) المهم عصبت الاخصائيه وانا اصريت على موقفي وقلت لها ابي الاستشارية المناوبة اللي طلبتها تحت بالاستقبال ورفضت تستدعيها!
قالت ما اناديها لين يجيك ولادة!
خليني افحصك من تحت وبرضوا رفضت،
وكل شوي مرسلة لي ممرضة شكل تنقنعني وبعد رفضت.
ما ارتحت ابدا للفحص سبحان الله!
المهم مرت الساعات وانا تحت الملاحظه ويوم شافتني مصرة قالت خلاص وعطوني ابرة البيبي(كانهم صادقين انها هي بعد استغفر الله)! ورفضت تعطيني مسكن طلق بالوريد..عطتني اياه (حبوب بالفم) وطلعوني على اساس ارجع اليوم العصر ويشيكون علي.
بنات الله يجزاكم خير شوروا علي وش اسوي..ظنكم ان شاء الله بيهدى الطلق واعدي الثامن على خير؟
فيه احد قد مر بمثل حالتي تكفون ساعدوني ولاتنسوني من الدعاء.
ام & امز @am_amp_amz
محررة
اختي صار معها مثلك وعطوها ابره توقف الطلق وابره تشغل رئة البيبي
وسبحان الله ولدت بعد ما كملت 37 اسبوع وكم يوم
انت ريحي حالك وإن شاء الله ما في الا الخير