مادري بنات الرتين A ينفع لاثار الحبوب اللي تكون في الظهر خصوصا ان بعضها قديم جدا لكن منظر الاثار بالمرررررة اسود كانه اثر حروق حتى ان اختي ماتقدر تلبس فساتين السهرة اللي يكون باين فيها ولو جزء بسيط من ظهرها وهي الان مقبلة على زواج وماتدري ايش تسوي تكفون اللي عندهااي نصيحة او مستحضر نتائجه مضمونه تدلنا عليه
الله يوفقها ويسعدها اللي تعطيني الاجابة الشافية
أنا مجربة هذا الدواء وصار لي خمسة شهور وأنا أستعمله تقريباً لأني أعالج نفس المشكلة والنتائج أكثر من رائعة لكن حبيت أحذركم من الإستعمال الخاطئ لهذا الكريم:
شوفو أول شيء لازم يكون العلاج موصوف من قبل طبيب أو طبيبة جلد مختصة وليست حيا الله وحدة لأن يمكن تر كز على الفاتورة أكثر من تركيزها على ويهج
وبما أن نور الإمارات إماراتية فإني أقترح عليج مستشفى الجيمي هذا إذا ما بديتي العلاج الطبي
أما بالنسبة للدواء شوفي في كريم عطوني له تأثير مهديء للتقشر وفعال ويكفيج أسبوع وإسمه "دكسبان" بس أحسن لج تشاورين الطبيب
أما لباقي الأخوات أحب أخبركم أن هذا الكريم يسمر البشرة "بس" إذا ما حطيتي واقي عن الشمس معنى كلامي أنه البشرة تكون حساسة جدا لأشعة الشمس ولازم تستعمليه في الليل بس وتتأكدي من أنج غسلتي وهيج عدل في الصباح
شيء ثاني عشان المناطق الحساسة في الويه مثل حول الفم والجفون وأسفل العيون وأحيانأ الخشم بعد لازم تحرصين على أن ما يلامس هذه المكانات وإذا بغيتم طريقتي في وضعه فأنا أبتسم إبتسامة عريضة وأدهنه على المكانات البارزة من الوجه بس
شيء أخير نصيحة مني لوجه الله لا تستعملوه من غير شور الطبيب لأنه قبل ما يبدا يعالج بالدواء بيعطيكم حبوب ما بكتب إسمها أخاف تستعملونها لأنها فعالة وفي نفس الوقت خطيرة ويمكن الطبيب يوصف لكم كريم تمهيدي قبل الرتين A
بس هذا كل شيء إلحين ويمكن أزيد إذا لزم الأمر
و أسفة على أني خبصت الفصحى والعامية لأني مستعجلة بأروح خلص دوامي