بنات الحمدلله تعبانه معدتي😭تعالوا

الله يشفيك ويعافيك
انا كنت زيك والحمد لله خفت الحاله بس احيان ترجع حسب المزاج
المهم جربي خلطة الليمون الأسود مع العسل ان شاء الله تفيدك

وعليكم السلام
انتظري الى بعد المنظار عشان تعرفين وش فيك بالضبط
ثم بعده اسعي في العلاج
ولا تستهينين بدور الغذاء في عملية التشافي وترميم المعده
فإذا قالو لك معك قرحه عاملي معدتك كأنها معدة طفل لا تاكلين غير الاكل الطري المهروس بكميات قليله
ومن افضل الاغذيه اللي تساعد في راحة المعدة وترميم القرحه
1- شوربة مرق العظام تطبخ عظام البقر او الدجاج او الاسماء بعد كسرها نصفين بقدر الضغط مع ماء يغطيها وعود قرفه وحبات هيل وفلفل اسود وورق غار وقطعة زنجبيل صغيره ورشة كركم وممكن تضيفين بصله مقطعه ارباع وجزره وكرافس وتضغط لمدة ساعتين الى ان يطلع منها الكولاجين والمعادن الطبيعيه او بالقدر العادي تتركينها على نار هاديه اكثر من 4 الى 6 ساعات ثم صفيها واحفظيها في مرطبانات زجاج بالثلاجه وراح تلاحظين انها تخثرت وتماسكت مثل الهلام وهذا هو المطلوب وهو افضل شي لترميم المعده وطريقة استخدام المرقه مجرد خذي منها كوبين وسخنيه على النار واضيفي له الخضار اللي راح تاكلينها واتركيها تنضج وممكن تزيدين عليه كوب مويه
2- الباميه
3- شوربة الكرنب او الملفوف
4- جذور العرقسوس ملعقه صغيره في كوب متوسط ويصب فوقها ماء مغلي وتغطى 10 دقايق ثم تصفى و تشرب كوب بالنهار وكوب بالليل لمدة شهر ونصف فقط يعني 6 أسابيع
5- العسل الاصلي وافضلها عسل المانوكا ملعقه متوسطه تذاب في كوب ماء فاتر بحرارة الجو وتشرب الصباح


بالنسبة للشوربة افضل شي اجمعي فيها الخضار اللي تفيدك خذي ثلاثه اكواب من مرق العظام وكوب من الماء واضيفي له كوبين من الملفوف المفروم ونصف كوب من الباميه المفرومه ونصف كوب كرفس مقطع وحبة بطاطس صغيره مقطعه مكعبات مع رشة خفيفه فلفل اسود وكركم وزنجبيل وملح بحري واغليها على نار خفيفه 20 دقيقه او اكثر الى ان تنضج وكلي منها خلال يومك 3 أو 4 مرات حسب استطاعتك اهم شي احرصي تشربين حتى المرق اللي فيها
واحرصي انك تروقين اعصابك لان النفسيه التعبانه والتوتر والقلق والخوف للاسف تأثر على المعده
كذلك المسكنات والمضادات الحيويه اذا ماتحتاجينها لا تاخذينها الا للضروره لانها تأثر كثير على المعده
ويومياً اطلعي تحت الشمس واكشفي اكبر قدر ممكن من جسمك للشمس وامشي مع التركيز على التنفس من الانف والزفير من الفم بيساعدك تتخلصين من التوتر وبنفس الوقت جسمك ياخذ كفايته من فيتامين د الضروري في التشافي

لاتزعلين انا اعاني من معدتي من كان عمري ٨ سنوات ..
وسويت منظار مرتين من غير بنج لما كان عمري ١٥ ..
وحتي الآن اعاني منها كنت اخذ اميبرازول ووقفته اي ٦ ايام لاني صرت يجيني صداع منه لما اخذه ..
وفعلا مزاجي كان سيء وماكنت اعرف انه منه جزاك الله خيرا ..
انا اي اكل يتعبني وأحيانا اكل كل شئ وما اتعب هالمعدة مجنونة .
بس انا يمكن اللي مساعدني اني محافظة علي نفسي من الأكل المتعب ومااااا آكل حار ابد لو اموت ما احب الحار بأي شئ الحمد لله ..
لا تخافين وسوي المنظار وبعدها يصير خير وبإذن الله ما فيك قرحة ..

الله يشفيك يارب
قبل ٣ سنوات جاتني جرثومه وبعدت عن الحار والزيوت والسكريات اقلل منه
ارجعت لي من ٨ شهور وسويت منظار تخدير موضعي وطلع التهاب ف المعدة والتعب النفسي اكثر من العضوي اللهم لك الحمد
وربي يشفيك ويعافيك

هل الحوضة تسبب مغص في منتصف البطن و حرارة
او هذا شيء اخر بدون اسهال
احس بمغص وحرارة بمنتصف البطن قبل الغداء و يخف بعدها اليوم زاد صار حتى العصر