بنات الحمدلله ولدت .....اللهم لك الحمد من قبل و من بعد

السلام عليكم و رحمة الله و بركاته
الحمدلله ولدت يوم السبت 22-3
و المفروض انه الموعد الي عطتني اياه الدكتورة ب 10-4
لكن سبحان الله كل شي بيد الله عز وجل و تقديره
جاني الطلق الساعة 7:30 الصبح وولدت الساعة 6:30 مساء ...
الي صار باختصار انه الالم صحاني من النوم ..الم قوي باسفل ضهري ...و لما قمت على الحمام و نتوا بكرامة لقيت دم
انتظرت شوي و قمت اشوف ماي ينزل
فقمت اتصلت على المستشفى قسم الولادة و سألتهم على الاعراض قالتلي لازم تيجين و نفحصك!
قالولي خذي حمام دافي قبل و تعالي...اتروشت و نظفت نفسي عدل و جهزت نفسي و رحنا انا و زوجي و كان في توسع 3 و نص سم...و بدا يشتد الالم لين وصل لدرجة ما عاد اتحمل و صرت ابكي من الالم بس بدون صراخ
و طلبت الابرة و قالولي الاحسن ننتظر لين يصير التوسع 5 سم ....مشا ساعتين على الطلق الحامي و صرت الساعة 1:30 ظهر و فعلا كان التوسع واصل ل 5 و عطوني الابرة
والله يا بنات مثل السحر الحمدلله شي خيالي ....5 دقايق و اختفى الالم تماما
والله انصحكم كلكم فيها ...و قعدت انتظر انا و زوجي بالغرفة و لا كانه في طلق و كل شوي يجون و يكون زايد التوسع لحد ما صارت الساعة 5 و صار 10 سم و قالولي ننتظر لحد ما ينزل الراس لانه شوي عالي
بعد ساعة نزل الراس و شافته الممرضة و قالتلي انها شايفة الشعر و الحمدلله بنص ساعة ولدت
مع اني ماخذة الابرة بس وقت الدفع حسيت بألم و ضغط كثييييير بس اهون بكثيييييير من لو بدون ابرة اكيييد
و الحمدلله جبت ولد مثل القمرررررر .......ما شاء الله تبارك الرحمن
و ان شاء الله عقال كل الحوامل ياااا رب اللي بملف ام شهودة و اللي بباقي الملفات و كل بنات المسلمين ياااا رب