بنات الخرج خاصة والرياض عامة بنتي الله يجزاكم خير ساعدوني

السلام عليكم يابنات مدري من وين ابدا احس بالهم من حال بنتي بكرييتي واحس بالذنب بنتي عمرها 2وعشرة شهور ماتتكلم وماتفهم اغلب الكلام عمل زوجي خلاني انقل من مكان لمكان سنه بجده وسنه بالخميس والحين بالخرج ماعندي ناس تختلط معهم بنتي وطول وقتها عالتفلزيون طيور الجنه وكراميش :44:نناديها ماترد علينا ابد ماتتكلم معنا وهي صغيرة كانت تتكلم تقول ماما وبابا وتقلدني وابوها الحين ماتنادي احد ابد تلعب وتتبرطم بحروف غير مفهومه تحب الاطفال بس ماتعبر عن نفسها باي طريقه غير البكا والبرطمه او انا متاكده انها تسمع تمام تمسك يدي وتوديها للي تبغاة نحاول نخليها تردد ورانا ساعات تردد ورانا والغالب تنطنشنا اخوها عمرة 10 اشهر لكنه يردد ورانا ويقولي ماما ويضحكها وهي تنطنشه مدري ايش فيها يمكن اهمالنا لها لانها طول الفترة اللي فاتت من عمرها ماكنا نوديها تلعب بحديقه او مع اطفال طلعتنا سوق وبيت او مطعم بس ودايما بالعربيه وحتى بالبيت نخليها تعلب بروحها ماكنا نلاعبها او نكلمها كثير كنت تعبانه من حملي مرة وابوها دايما ماعلى لسانه غير كلمة ماتفهم ماتعرف لسه صغيرة والبعد عن الاهل محد جنبنا من مكان لمكان الحمدلله على كل حال
ابغى اوديها عن طبيب عياده دكتورة روضه دلوني اعطوني اسماء او ارقام ابغى اعرف هل اللي حاصل بسبب وضعنا او نه توحد هل في احد يقدر يساعدها انا بدات اعلمها بالبيت صور وانطقها واحاول اعلمها كلمة خذ هات واساعدها بس ابغى اف***ا واتطمن عليها واحصل توجيه دعواتكم بنات والله يحقق لكل من ترد او ترفع الموضوع ماتتمنى