مشكوره اختي ام خالد وجزاكي الله خير احنا ماندري لحد اللحين باي ولايه راح نوكون ..

اسمعي حبيبتي ارجو ان كلامي مايضيقس او يسبب مشاكل مع رجلس او حتى يخوفس
انا مغتربه لي ثلاث سنوات ومرت علي كنها دهر ولله الحمد على كل حال وانا في ولاية
واشنطن في منطقة فرجينيا والحمد لله راح الكثير مابقى الا القليل وماوري هم غير متى ابرجع
لديرتي الله لا يحرمني هالأمنيه ياكريم

وان لي وجهة نظر في موضوع الغربه قد يتفق معي عليها الكثير وقد يخالفني الكثير ايضا
الغربه مو الكل يقدر يتحملها انا عن نفسي عنيت نفسيا تخيلي مع ان زوجي ولله مو مقصر
معي بشي بس لكل أنسان سبحان الله طاقه ولا احد يقدر يتحمل فوق طاقة
قال عز وجلا (ربنا ولا تحملنا مالاطاقة لنا به)خليني اشرحلس اكثر عن اللي اقصده

مثلا انا جدا غيوووووووره على زوجي مو عن نقص فيني ولله الحمد وبشهدة الجميع
حتى بعضهم يقولي هو المفروض يغار عليس مو العكس
ولا من ان زوجي عليه مأخذ لا سمح الله بس احمدي ربس ماأبيه يطالع او يكلم الحريم :angry:
وهذا موحال الان في كل الاسواق وسوبر ماركه تلقين نساء يعملون
حتى الخدامه محرجه عليه مايكلمها :30:

ثاني حاجه حسااااااسه ودنامابكاني واغلب الوقت اقضيه اصياح :icon33:
لكلمة اهلي بكيت :icon33: لجى العيد تذكرت كيف كن نقضي العيد مع اهلنا بكيت :icon33: في رمضان احن اكثر لهلي وديرتي وهاتك يا :icon33:
لدرجه اني جاني الام في الراس شكيت انه سرطان اسمله علي :(
ويم كشفت قالولي معي اشد انواع الصداع مدري ويش سمه واخذ علاج له
والله الحمد احسن من اول
وخوافه لابعد حد مغير اتخيل زوجي يجيه شي او يعتدي عليه احد :(

بس ماتخلى الايام من امور حلوه ستظل ذكرى ولا انكر انا للغربه بعض الحسنات
من الناحيه الماديه والعلميه وكسب اللغه فالله الحمد بناتي لطشو اللغه :D

فاذا كان موضوع السفر مجرد فكره عند زوجس فلا تشجعينه عليها
واذا كان شغلتكم كم سنه فالله يعينكم اما اذا كانت 9او 10 سنين
فنصيحتي لالالالا مغير غربه وبعد عن الله لااذان ولا ذكر لله فذا الديار حتى الحجاب
الله يعفو عنا مو مثل ماتمنين
اسفه اذا كنت طلعت عن الموضوع بس اشتهيت افضفض واحد يسمعلي
فنهايه سامحيني ان كاني ثقلت عليس بس حبيت اطلع مافي نفسي واكون صريحه
معس والله يكتبلكم اللي فيه الخير وياختي استخيرو هو افضل لكم

واي استفسار انا حاضره ولا تنسيني من الدعاء لرجوع للرياض على خير

السلام عليكم
اسمعي يا بنتي ..الغربه صعبة لكن اذا عشان الماجستير اللي هو حوالي 3 سنوات فما فيها مشكله ان شاء الله.
انا استغرب والله من اللي يغير لبسه وشكله عشان ما يحسبونه احد ثاني...وش دخل الشنب في المكسكان والبدو الله يهديك :) بعدين حنا بدو من غير ما نكون مكسكان..حنا البدو الاصل والفصل :)
زوجي له لحية طويله ...يعني طويله :) يعني توصل لنص صدره ...وبزارينهم يسألونه هي حقيقيه ولا تركيب :)
ويلبس ثوب سعودي وش رايك :) ودرس وخلص ماجستير ولا كان الا الخير ولله الحمد. ما عنده بنطلون ابد ابد..بالرغم
انه كان بلبس بنطلون في بلده ..لكن هو يشوف ان لبس المسلم من الاشياء اللي تميزو عن غيره ..وفي بلاد الكفار لابد المسلم
يعتز بتميزه ولو في اللبس والمظهر مثل ا للحيه وغيره.
انا يا حلوه...ادرس دكتوراه بعد ..في تخصص طب اسنان ...اول سنه كنت البس عبايتي ونقابي مثل يوم كنت بالرباض
لكن بعد ما بديت الدورات في المستشفيات والبحث صرت البس جلباب اسود طويل او عبايه عمانيه مسكره من قدام ونقابي طبعا..
هل كان سهل ولا ما احد ضايقنا. لا طبعا ما كان سهل ...بس طاعه الله ما نفرط فيها عشان ما نتعب نفسنا !!

نصيحتي لك ..حافظي على حجابك ,,,ولا تطولون في امريكا :)
p=10

أختي DAINH:
اولاً : الله يرجعكم لديرتكم إن شاءالله .
ثانياً : جزاكي الله خير على ردك .
ثالثاً : عادي ياعمري فضفضي على كيفك وطلعي اللي بخاطرك ,, وانا اقدر وجهات النظر لكل وحده منكم اسألك ليش تغارين على رجلك من ايش مافهمت ايش تقصدين
(((مثلا انا جدا غيوووووووره على زوجي مو عن نقص فيني ولله الحمد وبشهدة الجميع
حتى بعضهم يقولي هو المفروض يغار عليس مو العكس
ولا من ان زوجي عليه مأخذ لا سمح الله بس احمدي ربس ماأبيه يطالع او يكلم الحريم
وهذا موحال الان في كل الاسواق وسوبر ماركه تلقين نساء يعملون
حتى الخدامه محرجه عليه مايكلمها ))))يعني من محلات السوبرماركت اولأسواق تغارين لما يسأل مثلاًعن السعر او............الخ مافهمت ايش المقصود بالغيره ,,, اما عن نفسي انا فمافيه زوجه ماتغار على زوجها اتوقع بس الحمدلله بحدود بالشيء اللي احسه غلط بس الحمدلله من تزوجته ماحسيت بهالشيء معه الحمدلله ..
رابعاً : والله مو بيدي اني اخلي زوجي يروح او لا ولا اقدر اخليه يجلس لحاله 3سنوات وانا اجلس عند اهلي مو معقوله صح وراح نجي كل ماتحصل لنا اجازه ,,
خامساً : انا ماقلت ان زوجي يفكر انه يروح وش رايكم ؟؟لا يأختي هو جازم ومرسلن اوراقه يستنى الرد من احدى الجامعات اللي هو مراسلهن فهو مو جالس يفكر انه يروح اولا !!!
مشكوره اختي DAINH واتمنى فهمتي المطلوب ,, والله يرجعكم الرياض ويوسع صدرك هناك ..
أختي MANOLA: وعليكم السلام
اولاً اختي اتمنى ترجعين للموضوع وتقرينه انا ماقلت بنغير لبسنا انا وزوجي ورااح افسخ الحجاب والعابيه وزوجي بيقص لحيته !!!!!!!!!!!
انا بس أسألكم كيف لبسكم هناك عايشين مرتاحين نفسين نظرات الغرب لكم ازواجكم اللي له لحيه حاولو يخففونها اويقصونه او الأمر طبيعي هناك ,, حجابكم وشلونه كيف بس فقط لا غيــــــــــــــــــــــــر !!
اكرر شكري لكل من حاول يساعدني واتمنى فهمتو وش قصدي :biggthump

بنات مين تعرف عن
جامعة ""ميسوري , نورث كلاوراينا , دينفر"" ؟؟

طبعاً مش عن الجامعه لا عن المدينه اللي فيه الجامعه انا مادري هي الولايه تكون بنفس اسم الجامعه اللي تكون فيها ؟؟

ابغكم تقولون واللي ماتعرف تسالي الله يجزاها خير ,,
عن نسبة المسلمين فيها وش احلى وحده منهم بالنسبه للمدينه واهلها ؟؟

الله يجزكم خير اسألولي ازواجكم احد تعرفونه اذا انتن ماعندكن خلفيه عنهن ؟؟؟؟