بنات الدمام والخبر..لقيت لكم مكان يشرح الصدر ..

أخيرا
لقينا مكان محترم نغير فيه جو ونشوف السما والبحر

من فرحتي قلت بقول لخواتي بنات حواء
لأن أكيد في كثير مثلي ما يرتاحون باي مكان
مكان هادئ وبعيد عن الناس
ويصلح حتى للي عندهم أطفال يلعبون بس تحتاجون رواق تدقونه عن الشارع
منه يستركم عشان تفتحون وجيهكم
ومنه يحدد مكان للعب الأطفال ويصيرون قدام عيونكم ياربي يحفظهم ..

المكان بالخبر ويصلح لأهل الدمام إذا يحبون

مكان هااااااادئ

بين النخل وعلى الحشيش الأخضر
والبحر قدامكم
وإذا سيارتكم تصلح ممكن تدخلون عند البحر على الشاطئ

المكان هو : الشبيلي هاي رايز
بس مو بالبداية ..لا ..عقب ما تتعدون جسر الملك فهد
اللي تحب تغير جو عن البيت وتشم هوا وماتحب الأماكن المزدحمة مثلي

هذي صورة مو للمكان بالضبط بس توضح ( شفتوا هذا النخل ؟ ايه على اليمين يوجد تلال بين كل تل وتل مسافة يمكن مترين أو أكثر تقدرين تفرشين فيها وتدقون الرواق وراكم عن الشارع فيصير البحر قدامكم وهذي الأيام أنسب شيء للغدا من الظهر الى صلاة المغرب عشان البرد ) وبالعافية مقدما ...