بنات الذوق تعالوا محتاره في الكنب

السلام عليكم بنات حواء

محتاجه لكم جداً جداً وابي مشورتكم وارائكم في الكنب واختياره لانه فقع راسي من التفكير وماقدرت انام لاني لازم اتخذ القرار بأقرب فرصه

هذا الشهر واخيراً قررننا نشتري كنب مع اني اتمنى المودرن وكتبت هنا موضوع وين القى المودرن فيه وللأسف ماليقت غير إيكيا

المهم المشكله اني أثثت الغرفه من ايكيا من لوحات ومن ستاير ومن طاوله تلفزيون بس ناقص الكنب
ولمى رحنا لأيكيا ماعجبني مره على سعره الغالي

والحمدلله ماتسرعنا وشرينا لكن طلعنا ولفينا طريق الامير عبدالله من المطلق الا العمر الى الى وكلهم فخمات بس كلاسيكيه وفخمه حيل

واسعارها مناسبه لكن انا محتاره لانه مايصلح اثاث مودرن وكنب فخم وش اسوي

يابنات الذوق والخبره هل ممكن اني ادمج مودرن وكلاسيكي شرقي ولا مايصلح
هل فيه بيوت سوت نفس طريقتي ولا يطلع فيه شذوذ ويطلع كل شغلي تعب على الفاضي

انا ماعندي خبره كثير تكفون الي تدخل وعندها معلومه تساعدني ولكم الاجر والدعاء
اي محل تعرفونه يصلح لي او صور فيها دمج بين المودرن والكلاسيكي او اي شي بس المهم تساعدوني لاني تعبت من التفكير ولو براي بس وكلمه تريح وش اختار

بأنتظاركم على احر من الجمر