بنات الروكتين !!!!!!!ممكن مساعده؟؟؟

أنا حبيبتي ما استخمتة بس الكريم اللي اعرفة ممتاز للجفاف وهذا مو كلامي كلام دكتورة جلدية هو نيفيا للبشرة

الفوق جافة وراح تبدين تلاحظين الفرق من اول شهر ونص

تحياتي

هلا smst75 حياك الله..

أنا استخدمت الروكاتين لفترة طويلة..والحمدلله صفى بشرتي بشكل كبير وإلى الآن صافية

وطبيعي جداً انه يجفف البشرة والشعر وأحياناً العيون لمستخدمي العدسات..

أما عن الكريم المرطب فأنا كنت استخدم كريم طبي غير معطر ورائع جداً اسمه E45 cream

وتلاقينه بأغلب الصيدليات..هذا الكريم..يرطب بدرجة عالية بدون ما يخلي البشرة دهنية فعلاً رهيب..

وأي استفسار أنا بالخدمة

تحياتي لك

اهلين smst75

اخيرا لقيت وحده مثلي مبتدا
انا استخدم الروكتين لي 10 ايام
وللحين ماشفت الاعراض
انا بسالك متى حسيتي وجهك جفف مررره
وانا الدكتور عطانياه
20 مل
عطاني غسول وكريم يوخر اثار وبقع حب الشبااب وكريم للهالات هذا حق قبل النوم
عطاني كريم صبااحي الظاهر يرطب اعتقد وقال استخدمي اي واقي شمس كوييس

وبس فانااسالك واسال البنات متى تبدا تطلع الحبوب والاثار باي شهر ومتى تبدا تختفي وتحسين بشرتك ملساء
وبدون حبوووووووووووووب؟؟؟
تكفون بنات ردو علينا الي استخدمو روكاتان يقلون لنا بالضبط ايش صار معهم لاننا ياحرام ناس لسا مجربينه

وشكررررررررررررررررا

في الشهر الاول يمكن ويهج يشب حبوب وها مب شي سلبي بالعكس لانه يطلع كل الحبوب الي تحت الجلد والوساخه يعني يصفي البشره من الداخل ..

وكل شهر كنت اروح للدكتوره تسويلي تقشير للويه عسب تنظف ويهي من الحبوب الي ظهرت ... بس الله لا يراويج كنت اتم اسبوع في البيت لا اظهر ولا شي لان التقشير كان يحرق ويهي ويخليه احمر ومبقع كاني محترقه بس تقريبا في نهاية الاسبوع يخف ويبدى ويهي يتقشر ليومين تقريبا بعدين يصفى ويحلو ...

انا استخدمت الحبوب لمدة 5 شهور .. شعر راسي خف وجفاف في العيون والشفايف والجلد ..

بس نصيحه استخدمي مرطب شفايف قوي مثل زبدة الكاكاو ولا شي للشفايف .. وشربي ماي وايد .. وحطي كريمات لريولج ويدج .. عسب تقضين على هالاشياء ..

وخليتهم تقريبا سنه وظليت على التقشير بس حضرة الدكتوره تباني ارد استخدمهن بس على جثتيييييييييييييييييييييييييي .. كانت معاناه ..

والصراحه انا تركت الدكتوره يمكن لمدة 4 شهور الحينه لاني مليييييييييييييييييييييييييييييييييييييييتتتتتتتتتتتتتتتتتتتتت.. صارلي تقريبا سنتين وانا معاها والاثار بعدها موجوده !!! اففففف ... والحينه احس الحبوب ردت تظهر لي !!!!!!!!!!!! بس مب نفس قبل اخف شويه ...

بس يختلف تاثيره الحبوب من وحده للثانيه !! يعني انا نفعني شويه .. وغيري نفعهن واايد .. !!
:26:

اختي NoOURAH

هذي الدكتورة اسمحيلي ،،، مب شي

المفرووووض مووول ما تسويلج تقشير ،،، لان البشرة وايد حساسه

وانا حسب ما فهمت من كلامج ،،، انتي مب مرتاحه وياها

انا بقولكم عن تجربتي ويا الريكوتين ،،،


اول سلبيات الريكوتين ،،، ومثل ما قالت الخوات :

1- الجفاف للبشرة والشفاه والجسم (بس اكثر يبين بالشفاه)

2- حساسية البشرة

3- حساسية العيون

4- ما ينفع للحوامل موووووووووووول واللي ناويه تحمل لازم اتوقفه قبلها بشهر تقريبا

- اختي ،،، البشرة اتكون وايد حساسه وجافه فلازم اتحافظين على ترطيبهم واتحطين دايما واقي يوم تظهرين للشمس وتبتعدين عن الاشياء اللي اتثير حساسيتهم مثل الليزر والتقشير

- العيون اتكون وايد حساسة وممكن اذا ما حافظتي عليهم تستويلج حساسية بالعين والدكتور يوقف الريكوتين عنج ويبدا يعالج عيونج وممكن لا سمح الله يستوي شي بعيوني ،،، فلازم تستخدمي قطره للعين اذا كنت محتاجه، تبتعدين عن العدسات خاصه اذا كانت لغرض تجميلي، تبتعدين عن الجو الرطب والغبار والاماكن اللي ممكن اتثير حساسيتج وحاولي تلبسين نظارة شمسية يوم تظهرين في الشمس

- الشفاه وايد تنشف ،،، فلازم 24 ساعة اترطبينهم والا تراهم بينشفون وبيتشققون وبيسودووون

- اشربي وايد ماي وسوائل


*** الفحص قبل اخذ الدواء ***
اختي وعن تجربة ،،، انا رحت عن دكتور مشهور بدبي ،،، وتم ايسوي فيني تجارب الدنيا ،،، وكل ما اروح عنده يوقف عني الدواء الثاني الين ما عطاني الريكوتين من دون ما يسوي لي فحص

وهذا اكبر غلط ،،، لازم لازم ايسووون لج فحص ،،، علشان يتاكد الدكتور ان الدواء ما راح يأثر عليج وعلى كبدج


*** لازم اتكملين الكورس ***
ممنوع اتوقفين الكورس من نفسج ،،، انا عن تجربة ،، ويم لاحت جبدي من الدكتور وقفت الكورس ،،، وكنت مستانسه بان ويهي استوى زين ،،، بس الله لا يراويج ،،، ردت الحبوب عقب كم شهر ،، والسبب اني ما كملت الكورس!!

كل وحده حسب حالتها ،،، في احد ممكن يوصلون لسنه


*** علاج الآثار ***
هذا يكون عقب ما اتخلصين من الكورس ،،، علشان نضمن انه ما راح تظهر حبوب يديده ،،، وعلاج الآثار يستمر حسب عمق الآثار اللي عندج ،،، يعني الآثار اللي اتكون من سنه تتعالج بسهوله ،،، بس اللي جديمه يبالها وقت


واتمنى لج ولكل الخوات بشره صحيه ونظيفه