بنات الرياض..طلبتكم لا تردوني..بننتقل الى الرياض..ومالي غيركم من بعد الله

السلام عليكم

حياك الله بالرياض ..
بحاول اجاوب على اسألتك باللي اقدر عليه..

1)أفضل المحلات لتأثيث المنزل..وياليت ما تكون أغلاها..يعني أسعار متوسطة..حتى لو يكون أثاث مستعمل بس نظيف...لأني أسمع عن بعض العوايل عندكم تغير كل سنة..للتغيير فقط(عندها خير)

اذا تبغين محلات مرررررره كشخه وفخمه وغاليه شوي عندك طريق التحليه ملياااان محلات حلوه

وفيه طريق العروبه بعد وعندنا اسواق العويس اللي على طريق العليا العام شعبي شوي بس فيه اثاث

رخيص مرره وحلو وامممم بس هذا اللي اعرفه وفيه ايكيا وسيتي بلازا عندهم اثاث حلو

وطريق الملك عبدالله فيه مفروشات المطلق والرجاء

ومن قال اننا نغير الاثاث كل سنه حتى لو عندها خير .. الا قصدك اللي ماعندهم خير هم اللي يغيرون

كل سنه..خخخخخخخ

2)محلات لأدوات المطبخ والأجهزة الكهربائية..

فيه اكسترا و (بست) توه فاتح بس مارحت له والعويس فيه محلات للمواعين



3)محلات ملابس جاهزة..

فيه عندك اسواق كثيره مرررره بتتعبين وانتي تلفين بها على طريق العليا العام

فيه الاندلس .. طيبه والعويس .. مجمع النمر .. مجمع الموسى.. الفيصليه .. المملكه.. العليا مول

كل هذولي على شارع واحد هو أفخم شارع تقريبا بالرياض هذا غير المحلات اللي على الشارع نفسه

4)ملابس أطفال

تلقينها في الاسواق اللي كتبتها لك فوق..

5)مراكز تجميل...سواء الغالية(بس سعرها فيها)أو الرخيصة (لأني باحتاجها للشغلات الشهرية كالحف أو الحلاوة)ما أدري اذا تسوونها في مراكز ولا حد يجيكم البيت..

امممممم خلي البنات يفيدونك

بس البدي كير والمنيكير انصحك في محل في مملكة المرأة مره ممتاز شغلهم بس غالين شوي

6) خياطين..حق نساء وأطفال

ماعرف

7) محلات لعطور ومكياج

في الاسواق تلقينها وعندنا شارع السويلم فيه اشياء رخيصه وحلوه

8)أفضل المخابز والمطاعم

احلى مخبز بالنسبة لي (الدبلوماسي) على طريق الملك عبدالله بس بالضبط وين مدري تقدرين تسألين

الاستعلامات عن رقمهم وتكلمينهم بس صراحه كل شي عندهم يجننننن

والمطاعم شوفي طريق التحليه مليااااااااان

وروحي مطعم (ابل بيز)و (عبدالوهاب) مررره حلوين كلهم في التحليه

9)أماكن الترفيه

الثمامه احلى شي شاليهات ومنتزهات

البنات يفيدونك بالباقي

واي شي تبينه ارسلي لي خاص ومن عيوني

ادعي لي ان الله يوفقني بدراستي

سلام

حياك الله اختي بالرياض

بالنسبة للاثاث يه عندك اسواق العويس على طريق الملك فهد في شمال الرياض
وبعد فيه اسواق بن دايل واسواق المدينة على طريق الملك فهد جنوب الرياض

وبالنسبه لاسواق العويس وبن دايل تلقين فيها كل شي حتى تجهيزات المطبخ والادوات الكهربائية

وبالنسبه للملابس الجاهزة وملابس الاطفال ومحلات العطور والمكياج
الرياض معروف بكثرة اسواقه عندك على طريق الملك فهد
المملكة والفيصلية والقرعاوي رويال سنتر
وفيه بعد العليا مول وصحارى بلازا وصحارى الرياض
سيتي بلازا وفيه بعد غرناطة مول في حي غرناطة
البديعة مول والسلام مول في البديعة
خريص بلازا على طريق خريص
وفيه بعد اسواق اكثر من كذا يعني لو لفيتي الرياض بتلقين اسواق
المطاعم عندنا كثيرة فيه الماريز والاندلسية والضوء الاخضر والبحصلي والصيني
وغيرها من المطاعم ما تحضرني الحين بالاضافة الى الوجبات السريعة
واماكن الترفيه فيه شي خاص بالنساء وشي للعوائل

وهذا كل شي عندي واذا تكرت شي رجعت لك

وان شاءالله البنات ا يقصرون

)أفضل المحلات لتأثيث المنزل..وياليت ما تكون أغلاها..يعني أسعار متوسطة..حتى لو يكون أثاث مستعمل بس نظيف...لأني أسمع عن بعض العوايل عندكم تغير كل سنة..للتغيير فقط(عندها خير)
فيه المخازن الكبرى مره رخيصه
ولو بغيتي شي رخيييييييييييييييييص وحليو عندك الحراج وهو مب حراج يعني حراج لا له اسم ثاني بس انا اعرفه على اسمه القديم ولو بغيتي شي يجنن فيه طيبه والعويس وفيه محلات اظن على طريق الملك عبدالله


2)محلات لأدوات المطبخ والأجهزة الكهربائية.. العويس وطيبه
3)محلات ملابس جاهزة.. فيه اسواق صحارى.. غرناطه. العليا مول . رويال سنتر. المملكه والفيصليه وكثييييييييييييييييييير
4)ملابس أطفال
5)مراكز تجميل...سواء الغالية(بس سعرها فيها)أو الرخيصة (لأني باحتاجها للشغلات الشهرية كالحف أو الحلاوة)ما أدري اذا تسوونها في مراكز ولا حد يجيكم البيت..
للحلاوه اجيب سودانيه بس مو من الرياض
6) خياطين..حق نساء وأطفالما ادري انا مااتعامل مع الخياطه
7) محلات لعطور ومكياجفي الأسواق الكبيره وفي محل مي على طريق الملك عبدالله اعتقد
8)أفضل المخابز والمطاعم
المطاعم كثييير بس انا احب المذاق الأيطالي ومارليز و اكيد المطاعم المعروفه هرفي وماكدونالدز وغيرها
9)أماكن الترفيه
اول شي الثمامه وهي منتزهات وفيه حديقة الوطن وحديقة سلام بس زحمه والملاهي مثل ملاهي الخيمه وتنفع للأطفال وفي ستي ستار وفيه الروضه وفيه... ماادري نسيتهم

اذا تبين مشغل رخيص وزين بس شوي زحمه عندك مركز لبنى وبرضو شيفون في الريان واذا تبين ملابس حليوه واسعارها معقوله عندك سناء واخر فرصه وارخص شي الهرم بس حاولي تروحين لهم اول ماتنزل البضاعه بتلقين اشياء تجنن
خياط زين خياط سمر في شارع جرير واذا تبين اثاث شبه مستعمل بس جديد فيه قسم بايكيا تحت اسمهas is اتوقع تلقين فيه شي يعجبك
بالنسبه للملابس الجاهزه النسائيه غالبا الناس اللي بالرياض يلبسون الماركات يفضلونها على المحلات الثانيه

(القصمنجية)...تسلمين يا عمري..والله يوفقج في دراستج يا رب..
(زوجي قلبي)و(سمو الأميرة)و(أحب الليمون)تسلمون والله لا يحرمني منكم...

وبالنسبة للبقية..لاتبخلوا علي..
أنا أعرف ان مدينة كبيييييرة كالرياض بلقى فيها محلات كثيييييييرة...
والبنات ما قصروا ذكرولي بعضها...
أنا أبي أعرف وش المحلات اللي تفضلها كل وحدة فيكم...
ومو لازم كل وحدة ترد على كل الأسئلة...
اللي تقدروا عليه...