انا طلعاتي تحفه خاصة اني متزوجه واحد درجة اولى ثقافة والد اعدائة الطلعات اللي بدون فايده (على ما يقول)

شوفي الطلعات اللي على مستوى

سوق الخضار - السوبر ماركت

ولما نكشخ نروح اكسترا او الكترو

ولما نوصل للقمر يوديني







مكتبة جرير
طبعا هو يقلب في الكتب ويجلس يتصح وانا واقفه على راسه واروح على بالي راح اصير مثقفه وتلاقيني قالطه على كتب الطبخ خخخخخخخخخخخخخخخخخ ياعيني على الثقافة

ويا قلبي مافيه وقت معين للطلعة
يعني متى ما يفضى او لما ازن عليه قبلها بكم يوم

مالكم حق تتكلمون على التمشيات كذا
الجو هالأيام جنان والطلعات لو دوره بالحاره ترد الروووح
يوم الخميس طلعنا على طريق الخرج قبل التفتيش
أخذنا غدانا وتغدينا هناك ولما أذن المغرب جاء ذاك المطر اللي يحبه قلبك
بصراحه اللي مايطلع أيام المطر والجو الحلو ماطلع لأن بصيف الأماكن معروفه لطلعات أسواق ومطاعم وملاهي وشاليهات وإستراحات .

اما الحين لايفوتكم المطر والربيع وفيه أماكن فيه منظر السيول روعه مثل العماريه وفيه الثمامه لكن مشكلتها زحمه وماتحسين بجو البر بسبب الدبابات والمخيمات

فكره الموضوع رائعه
ياليت بالاسماء والوصف عشان اسوي فاهمه

ية يابنات هالحين عالامطار عن
عندكم الخرارة والمحلية والحفنة وضرماء هذولي بالمزاحمية اذاتعرفوها على الطريق السريع لمكة وبينها وبين الرياض 70 كيلو لكن تستاهل المشوار مشاء الله تقولين شلالات ولاجواء رروعة والناس مبسوطين على انهم الجمعة السبت اختبارات لك الناس طالعين صرااااااااااحة رررررررروعة وسعة صدر لاتفوتكم والاطفال جايبين طيارات الباستيك اللي تطير والدبابات والشوي ولعب الكورة

انا ما تزوجت لذلك إدعيلي >>ان الله ييسر اللي في بالي

شوفي ترى ناس عن ناس يختلفون

فيه بعضهم ما يحبون يطلعون إلا مكان معين ويحددون الطلعه قبل في البيت

شوفي حنا نطلع وبس من دون ما نفكر وين نروح ..إذا مرينا من عند سوق يقول لنا الوالد تبون ننزل هنا ونفكر ونشوف

عندك المطاعم هي تكفي للتمشيه يعني تعشوا في واحد من هالمطاعم اللي وش كثرها

البحصري وش زينه صحيح اماكنه صغار لكن ينفع تتغدي فيه..

وبعد عمو حمزه حلو ..

وعندك هايبر بنده اللي في شمال الرياض تروحي لمها فيها ملاهي ومطاعم وكمان سوبر

ماركت وسوق يعني متكامله

طبعاً حنا عندنا عيب الواحد يطلع هو واهله للمطعم علشان كذا تشوفينا ندور ابعد مطعم عن الحارة اللي حنا فيها :22:

وش عندك بعد أممممممم البر يازينه ويا زين جوه اطلعوا صلحوا الغداء في البر ترى له طعم خاص أو اشوا على النار

شوفي الحدايق انا ما حبها إلا في الصيف وبعد في الصيف يعني ما احبها واجد احس ما أخذ راحتي فيها

والملاهي عندك فن تايم اللي في شمال الرياض عند وش زيييينها خلي البزارين يلعبون في الملاهي

وانتي وزجك اقعدوا في الطاولات وتكون هذي الطاولات ساترة يعني تقدرين تاخذين راحتك فيها والبيتزا بعد حقتهم جناان

فيه كثير عني اماكن لكن تعبت