صباحكم سكر :27:من مده طويله وأنا ناويه أكتب لكم هالموضوع أو بالأصح هالتنبيه ,لكن الي دفعني اليوم لكتابه الموضوع هو الموقف الي حدث لي أمس عندما أردت شراء علبتين مزيل عرق (فيبكس)من عطار الرون وأعطيته 50 على أساس يرجع لي 30 فاأستغربت أنه رجع 26ولما سألته ليه قالي بكل برود هذا ب 12 ريال فرجعته على طول ,والله ماهو بخل ولاهمتني ريالين بس لازم يعرف أنه مو كل الشعب غبي وسهل الضحك عليه وإستغفاله ,والقهر أنه أكثر من مره القى أغراضهم زايده عن السوق وأستثقل أروح لمحل ثاني وأقول يالله بس أخذ ,أنا قبل أسبوعين ماخذه فيبكس من عطار اللحيدان بسوق حجاب وكان بعشره ريال يعني هذا سعره الحقيقي ,ومش بس المزيل هو الي زايد سعره ,أذكر مره أخذت منهم قهوه هرري عاديه ب 35 ريال مع أنه كيس قهوه هرري 5 كيلو ب 100 ريال في محلات القهوه يعني الكيلو ب 20 ريال وهم زايدين 15 ريال مكسب عن السعر الأصلي ,حتى مره شريت منهم فكس وأستغربت لما قالي ب 15 ريال وأنه أرتفع سعره ,المهم بعدها بأسبوع ذهبت لمحل مواد غذائيه وأسأل عن الفكس والقاه ب 11 ريال يعني الرون زايد ب 4 ريال عن السوق ؟!!!
حتى كيس الكت كات الي يحوي 9 حبات صغيره ببنده ومحلات ميد ينباع ب8ونص وبعض المحلات ب9 ريال ولكن عند الرون 12 ريال !!!!!!!!!!!!!!!!!!
حتى أمواس الحلاقه جيليت الزرقاء تبناع عندهم ب 17 وبمحلات العطاره الثانيه ب 13 ريال يعني فرق 4 ريال !!!!
هذا غير البهارات الي شريته من عندهم ولقيتها مدوده وقديمه حسبي الله عليهم وعلى كل غشاش على الناس ,طبعا الهدف من كتابه الموضوع التحذير والانتباه من أي محل عطاره غشاش وزايد بأسعاره ,والمفروض نقاطع أي تاجر يستغل حاجه الناس ويبالغ بأسعاره ,الحمدلله محلات العطاره كثير الان صرت أشتري من محلات عطاره الديره أو سوق أوشيقر طبعا هناك السوق رخيص مقارنه بغيرهم وأغراضهم نظيفه ,ولو حبيت شي قريب أمر على محلات العطاره بسوق حجاب وأنا واقفه لأنه فيه محلات جديده خلف عطاره البحرين مثل عطاره القمه واللحيدان وغيرهم ,أرجو من البنات ذكر تجاربهم السيئه والمفيده مع محلات العطاره وشكرا لكم.
الحقيقه الساطعه @alhkykh_alsataah
كبيرة محررات
يلزم عليك تسجيل الدخول أولًا لكتابة تعليق.
معاك حق امس رحت اشتري منه بخور اتصل بي يبيعه 15 ريال مع ان كل المحلات عشررة لكن استغلال فضيع
الصفحة الأخيرة
نسوي مقاطعه له