الله يعطيكم الف عافيه
ومشكوره من كل قلبي على ردودكم السريعه
اختي بريطانيه انتي تتابعين بالجامعي
ياليت تفيديني وش النظام عندهم وشلون انا تراي توي بكريه وما عندي احد اعرفه وما اعرف احد من الرياض انا مع زوجي وبس في الرياض
واللي يعافيك اختي قولي لي وش اسوي عشان اجي عند الجامعي
انا اتابع في مستوصف خاص
mlak7zen
•
يوم السبت الماضي اللي قبل اسبوع توفت وحده نعرفها بنت جيرانا في مستشفى الايمان
وبسبب خطأ طبي
ولدها هنديه وبعدين مصريه وكل وحده رمت التهمه على الثانيه
وبسبب خطأ طبي
ولدها هنديه وبعدين مصريه وكل وحده رمت التهمه على الثانيه
mlak7zen
•
لا حول ولا قوة الا بالله خلاص هونت ما ابي الايمان
ان ان شالله يا الجامعي او الحمادي
بس ابي اعرف وش نظام الجامعي
ان ان شالله يا الجامعي او الحمادي
بس ابي اعرف وش نظام الجامعي
بريطانية
•
حبيبتي نظام الجامعي تابعي عندهم من الشهر الرابع او الثالث والله ناسيه بس المواعيد كلها مزحومه مووووت يعني اذا اخذتي موعد 1الظهر ماتدخلين الا علا الساعه 2 او 3 العصر ودوامهم من 9 الى 3ونص فقط وانا اتابع عند تركيه ابو حليمه بس انا ماتابعت الا لمى دخلت التاسع رغم انو ممنوع بس لان زوجي دكتور بالجامعه جبت ورقه وتابعت عندهم ولس ماولدت ولاادري عن نظام الولاده كيف الي اعرفه صديقتي جابت قيصري عندهم وتمدح فيهم اما الطبيعي ماجربت وملفي حوله من عياده اعضاء هيئة التدريس الي بالمستشفى نفسه
الصفحة الأخيرة
ومن فترة بسيطة توفت عندهم وحده وهي بالولادة من خطأ طبي..
من قرائتي في النت قريت إن أخطائهم الطبية زايدة والوفيات بسببها ارتفعت عندهم..
وقريت إن العاملين في المستشفى مسوين اضراب بعد عشان مسألة الرواتب..
بالنسبة للجامعي..
عن نفسي ماأحبه..
بنت عمي بغت تموت فيه وهي حامل..
وتوفى جنينها بسبب إهمالهم وسوء تقديرهم لحالتها..
لأنهم نوموها ومنعوا عنها الأكل بس على المغذي مدة شهرين!!
تخيلي !!
وتوفت بنيتها ببطنها..
وبعدها مارضوا ينظفونها !!
يبغونها تولد جنينها الميت طبيعي!!
كيف وهي هلكانة من قل التغذية!!
آخر شي الجنين بدا يتعفن بداخلها ودخلت بغيبوبة مدة شهر وسووا لها عملية قيصرية..
ورب العالمين كتب لها تعيش..
الحمد لله على سلامتها..
طبعاً هالكلام من أكثر من سبع سنين..
بس كرهت هالمستشفى بعدها..
مع إني أعرف كثير يولدون فيه بصحة وسلامة.
التساهيل من رب العالمين..
التأمينات كثير أعرفهم يولدون فيه ويمدحونه..
بس عيبه ماتجيك الدكتورة تجيك القابلة..
وفيه ناس تذمهم الفترة الأخيرة..
يعني تجارب الناس مو مقياس صحيح دائماً..
الحمادي كل ولاداتي عندهم لكن طبيبني تجيني من الحبيب..
هم كعناية وتمريض وغرف ولادة يعجبوني بس طبيبات الحمادي أعتبرهم سيئات من تجارب الناس اللي حولي..
عشان كذا أفضل طبيبتي من الحبيب..
عموماً الحبيب الآن عنده مستشفى نساء وولادة لو حابه تجربينهم..
أو اسألي عن دكتورة تكون شاطرة وتطلع تولدك بالمستشفى اللي تختارينه..
أهم شي..
ادعي ربك يسهل عليك ويتمم لك على خير..
ولاتنسين ورد الولادة يسهل كثير بعد رب العالمين عن تجربة..
والله يهون عليك وييسر أمورك..
آمين..