بنات الرياض الفزعة

أفا :(
ما في احد رد
:(

يا هلا باللي لفونا

شوفي ياحلوه

الشبكه عندك الاندلس فيه كذا محل ذهب والمعلم على شارع الستين بالملز رووووعه
وبمجمع المملكه الفردان حلو

الحلويات شارع الثلاثين ملياااان

المطاعم
طريق الملك عبد الله والتحليه طبي وتنقي

الفساتين
شارع العليا العام فيه كذا محل وكثير يمدحون مجمع الموسى بس مادخلته


صواني تقديم
مااعرف الا محلات السيف على طريق الملك فهد وباخشوين مممم ناسيه على اي شارع

ووووبس

اختي لافندر بالتخصصي والباقين بالثلاثين ..
وبالنسبه للمطاعم عندك طريق التحليه كله مطاعم حلوه ..
واما الصياني الحلوه فيه برضو عند المحلات الي بالثلاثين اشكال حلوه ..
والفساتين الجاهزه عندك طريق العليا العام فيه كم محل عنده لبس جاهز حلو .. مثل لمسات طيبه .. وبالعليا مول بعد احيانا يجيبون فساتين جاهزه حلوه ..وبالفيصليه برضو ..اماكن كثيره بس مافيه شي فبالي الحين ..

هلا بك اختى
مبروووك اولا
بالنسبة للشبكة عندك الفردان حلو
والاطقم من لازرودى في جميع محلات الذهب تلاقين لهم فروع في الرياض
صواني تقديم
مااعرف الا محلات السيف على طريق الملك فهد وباخشوين
فساتين عند الموسى شارع العليا العام فيه كذا محل
والرياض مول عنده بعد واسعارهم مناسبه يعنى ماتتعدى 900 او 700 300 كذا اسعارهم ريال اذا ماودك بالغالى مره وفساتينهم احسها زينه بس يبغيلك تفرين صح

تانيا هلا حبيبتي .. ألف مبروك ربي يوفقهم

محلات المجوهرات كثييييييييييييره
الفردان(روعه لكن غالي) ,, داماس (فيه وفيه اللي عنده تايلندي اظن),, المعلم
(فرصه عندهم خصومات فرع الفيصليه),, الحرمين(الماساتهم تقمر بس اظن
برضو غالي),, الشقحا وسرماس تبع بعض بس احس سرماس شغل انظف ,,
بركات (الستين) ,, معوض ,, الخمييييييييس(شيخ الصاغه) ,, فيه كم محل عالعليا
العام قبال المملكة .. وفيه طيبه فيها الزين وفيها الشين بس اغلب المحلات ذهب..
اهم شي اذا قررتوا على الطقم ودوه للخميس في شارع العليا العام قبال الموسى
خلوه يشوفه .. وعلى فكره اذا المحل اللي بتشترون منه له فرع في طيبه مثلا
الخميس ولا سرماس اشتروا من الفرع اللي في طيبه لان فيه فرق كبير بالاسعار
لاحظته عند سرماس ..

محلات حلويات تعجبني كطعم : بيت الشوكولا(العليا العام قبال الموسى) ,, جوي
(الثلاثين مدري اذا فتح ولا لسه) ,, لينوتر (الثلاثين قبل باتشي) ,, وفعلا مثل ماذكرت
وحده من البنات الثلاثين كله محلات حلويات عالجهتين .

المطاعم : بالنسبه لي احب الريف اللبناني في التحليه (كل اكله لذيذ) ,, ميراج الصيني
تقاطع التخصصي قبال اليورومارشيه أو الخليج الصيني (الأصل),, فدركرز (التخصصي)
,, بيتزا روما(الحمدان تقاطع التحليه),, ستيك هاوس(اللي في مركز غرناطه هه يمشي الحال)
,, اممم هذا اللي في بالي ..
اما اذا تبغين مطاعم تغيير جو فعندك المملكة والفيصليه فيها كثيير : سبازيو ,, القلوب ,,
البرازيلي ناسيه اسمه ,,انتركوت ,, وكفي شوبز ...
الرياض بكل قرنه مطاعم وكوفي شوبز

ملابس السهره : السيركون كله محلات ,, ميموزا ,, مملكة المرأه فيها بودوار ونيولاين ,,
وساكس ,, الفيصليه :هارفي و آرتبل ..

دونيه في شارع العروبه وانتي داخله من الملك عبدالعزيز على العروبه امشي على طول
كانك رايحه للعليا بيجي على يمينك .. عندهم شغلات روعه وعندهم قسم نسائي يسوونلك
من الى اذا عندك حفله ..
لافندر بالتخصصي تقاطع الملك عبدالله معجناتهم وحلوياتهم حلوه ..

صياني وشغلات تقديم العبدالوهاب ,, المائده ,, طيبه مدري العويس مليان
واذا تبغين شغلات غريبه فيه محل بالقرعاوي قاليري ومحل بالتحليه اسمه
فن البيوت اظن ,, ومحل بالثلاثين اسمه Crystals فيه وحده لبنانيه امها
تصمم وتجيبهم من لبنان ,, وبعض محلات الحلويات تلاقين فيها صياني حلوه
مثل دونيه او باتشي ..

بالنسبه للاسعار صراحه صعبه يعني فيه شغلات غاليه وفيه شغلات مناسبه
بس انتم اللي تشوفون وتحددون ايش يعجبكم .