بنات الرياض الكشخة والي كلهم ذوق ( ما عندي خوات كبار لكن انتم خواتي)

احلى سلام لبنات حواء و خصوصاً بنات الرياض

بنات الاجازة قربت و تقريباً بعد شهرين عندي مناسبة
راح اسوي عزيمة لوحدة عروس و العزيمة راح تكون في بيتي
المهم راح اعزم ناس كثير ومنهم حمولة العروس
و ابغاكم تساعوني لاني زي ماقلت ما عندي خوات كبار لكن يعلم الله انكم بمثابة خواتي ..............
اول شي:
ابغى شركة تزين ديكور البيت ( المدخل-الصالة-المغاسل وغيرها)
ويكون عندهم تأجير كراسي و طاولات للجلسة لان كنب الصالة و مجلس الحريم ما يكفي بس صالتي وسيعة و اذا كان فيه احد يأجر كراسي وطاولات قهوة بس تكون نظيفة عطوني رقمهم
وهل عندهم تأجير تحف و شموع للمغاسل و الصالة و طاولات ديكور رفيعة للصالة و المداخل و الممرات لأني ابغى املى البيت .

ثاني شي: (ادري اني ثقلت عليكم بس متوكلة على الله ثم عليكم)
ابغى احسن صبابة و قهوجية بس يكون لسانها حلو و عندهم مشرفة للعبايات صراحة انا جربت روز الي بالثلاثين كانت روعة
بس الي عندها احسن تقولي

ثالث شي:
حلى و شوكلاتات القهوة ومعجنات الشاهي من وين تنصحوني اجيبهم و هل فية احد يأجر صياني ومن يضبط ديكور الصينية
لأني ابغى شي غريب و حلو و يواجه لان الحفلة على مستوى
حمولة العروس و هم ناس هاي هاي وما ابغى اتفشل .

و ابغى حركة اسويها لتقديم العصير و من وين اجيب احسن الكاسات و الصياني لها ( بنات الحفلة كبيرة و لا اقدر اشتري صياني و كاسات كثيرة و ين اوديها بعدين علشان كذا ابغى اعرف اذا فيه احد يأجر بس تكون نظيفة و حلوة )

رابع شي:( ادري ني مسختها لكن وش اسوي لازم استعد من الحين)
من وين تنصحوني اطلب بوفية العشاء انا صراحة افكر اطلبة من فندق حياة ريجنسي لان وحدة مدحته لي لكن ما استغني عن نصايحكم ، ابغى مطعم يكون اكلهم حلو و (غريب) و نظيف و حلى العشاء مشكل و لذيذ و حلو و عندهم الكراسي و الطاولات و كل مستلزمات العشاء( صحون - ملاعق - .....و غيرها) و ديكور العشاء يكون على مستوى ومو مشكة السعر بس اهم شي يكون راقي ، وفية وحدة في المنتدى تمدح بوفيه أم فيصل السويدان و محلها اسمه المائدة الطيبة الي جربتهم تقولي وش رايها و وين مكانها بالضبط وكم رقمها .

الله يخليكم يابنات لا تقصرون معي ساعدوني الله يسعدكم
و الي عندها افكار و اقتراحات ما عندي مانع .
الله يسخر لكم رجالكم و يخليلكم عيالكم و يصلح نياتكم و ذرياتكم
قولوا امين