بنات الرياض الله يسعدكم ويوفقكم يارب <<< خطوبتي الإسبوع الجاي ساعدوني :)

مالي خبره بالخطوبه والزواجات لاني ماتزوجت بس بساعدك :)

اهم شي دوري لك بدله كشخه موضة الفستان راحت

خذيلك قطعتين توب وتنوره قصيره بحركات السواني في الفيصليه بتنفعك وعند ريفر ايلاند بعد عنده اشياء حلوه

مكياجك اتوقع لو تروحين صالون احلى تتضبطين فيه من شعر ومكياج بس خليه ناعم لا تبالغين فيه


خل المبالغه ليوم الملكه او الزواج :)

بالنسبة وش تشترين لضيافتهم ماشاءالله الرياض فيها من كل شي

فيه موضوع للاخت فيندي تكلمت فيه عن شوفة اختها ووايش راح تقدم لاهل المعرس

اتوقع لو تشوفينه بينفعك عموماً مو انتي الي تقدمين امك وخواتك

يقدمون لهم العصير اول مايدخلون بعدين القهوه والحلا افضل نوعين الى ثلاث انواع

شي من برا وشي بيتوتي :) عشان تبرزين

والشاي مع النعناع يتقدم وياه فطاير صغار وسمبوسه صغيره او كبه صغيره نوعي الي تبين

اهم شي شكل التقديم يكون حلو ومرتب ومناديل تنحط بصحن كل وحده بتقدمين لها الفطاير

اممممم بعد بعد اهم شي شكلك يكون مرتب والباقي بيكون مسؤولية اهلك

ولا تفكرين انك ماراح تعجبين اهله او تتلخبطين فكري بأشياء ايجابيه

انك حلوه وانك واثقه من نفسك ,,, وانه ياحظه فيك عززي نفسك بهالاشياء

وبالنسبة للدبل مو انتي الي تقررين هم ,,,, يعني هالامور انتي تسألين فيها وهي تجي كذا

يعني ماتدرين هم وش تخطيطهم للدبل يمكن بيعطونك الدبله وبس لا تلبيس ولا شي

عموماً الله يوفقك ويتمملك على خير


دعواتك لي:)

أختك

هلا اختي
الله يوفقك ويسعدك ياارب
بس هي ملكه او خطوبه
لانه تختلف ترتيبات الملكه عن ترتيبات الخطوبه

داخله بس علشان ابارك لك والله يوفقكم ويجمع بينكم على طاعته

مبروووك ياعسووولـه..
لي عووووده:)

قصدك شبكه ؟؟
عموما لى عوده