بنات الرياض الى تعرف أم فيصل تدخل

أختى وحده كاتبه فى قسم الأمراض عن حرمه اسمها أم فهد وتعالج الأمراض والله أعلم وهى بالدمام


أنا خذيت الرقم من الحرمه وعنوانها اذا حابه . أو اقرأى الموضوع صفحه رقم 3 للأخت سديم

اختي الكريمه ياريت تسوين بحث عن ام فيصل في الرياض لاننا سبق واعطينا وصف المكان وطريقة المراجعه ولقد عالجت عندها ووجدت ان ربي اعطاها علما في الطب البديل والاعشاب وتقرأ القران ايضا وقد عالجت قريبه لي من الذئبه الحمراء وهو مرض خطير ومن اعراضه الفشل الكلوي وشفيت تماما باذن الله تعالى ......عموما هي تداوم من اول الشهر الى نصفه في القصيم ومن16 الى 30 في الرياض ومنزلها يقع في حي الفلاح في حال طلب تفاصيل اكثر ارجو اخباري ......

يافعه ........ أم فهد البقمى اتصلت عليها اختى وماتعالج حاله ولدها
وجزاك الله كل خير على المساعدة
اجوديه ..... ياليت تعطينى التفاصيل والله تعبت وانا كل شوى ازين بحث ومافى فايدة
وحابه اسئلك أم فيصل بس تعالج بالأعشاب يعنى ماتكوى
والله يجزاك كل خير

فيه وحده في الشمال اسمها ام موسى عندي رقمها وكثير ربي كتب العافيه لهم على يدينها وقد سوو معها لقاء في احد المجلات او الجرائد

راح ارسل لك رقمها وكلميها اذا تعالج حالته او لا

بصراحه رقم التلفون مافيه فايده لانها ماترد من الزحمه عموما هي ماتكوي تعالج بالعسل والاعشاب المختلفه ومنع عن اغذيه وتامر بتناول اخرى عموما عنوانها مخرج 7 عثمان بن عفان على الدائري الشمالي وانت جايه من الملك فهد عند الاشاره روحي يسار وادخلي الخدمه تلاقين مسجد اصفر كبير ثم ارض فضاء ادخلي في الشارع يمين وسط الارض الفضاء ينتهي الشارع روحي يسار ثاني بيت يسار باب اخضر حديد مشغول وجنبه باب قراش اتوماتيك ...يارب واضح ..عموما تلاقينها في يوم 16 من كل شهر حتى الثلاثين ..والله ينفع بالاسباب..