ياهلا حبيبتي

طبعا اكيد تعرفين اغلب اللي بالرياض اسواق

ماعندنا تمشيات سنعه كثير

الاسواق : عندك المملكة والفيصلية ولاتنسين مملكة المرأة الدور النسائي للمملكة روعه
فيه سوق جديد اسمه القرعاوي غاليريا
وبعد فيه محل باريس غاليري توه فاتح من كم شهر
التخفيضات كل المحلات مخفضة
العسائي للأطفال مسوي خصم على كل شي 25%
وعبدالله السيد للاطفال بعد مسوي خصم مره حلو

المطاعم تبين الفخامه روحي للقلوب في برج الفيصلية
ومطعم سبازيو في برج المملكة
بس ترا اكلهم مو هالقد احلى شي المطل والجلسة

والتحلية كله مطااااااااااااعم وقهاوي حلوة

واذ اتبين شي معين قولي لي

هلا فيك بالرياض منور ه والله
انا اقولك
اذا تبين سوق وتشترين روحي سوق صحارى روعه والله روعه
انا توني اليوم رحت له وشريت لي اغراض

واذا تبين وساعه صدر وتمشيه روحي المملكه فيه برج المشاهده تشوفين الرياض كلها منه
وفيها مطاعم ووناسه :27:
والفيصليه بعد تصلح للتمشيه والدور الارضي للفيصيليه فيها دور خاص لاالعاب الاطفال
واسواق السدحان بالربوه حلوه مره وينشرى منها
والعليا مول مطاعمهم حلوه بعد
واذا بغيتي شنط وزينات للبيت والاثاث بتلقينه بسوق سيتي بلازا وفوقه هوم بلازا مره روعه اذا دخلتيه منتب طالعه منه الا وفلوسك كلها قاضيه :o
وطبعا فيه الشليهات بالثمامه وهذي للتمشيه

طولت عليك :02:

حياك الله بالرياض
والبنات ماقصرو ....

:26:

الله يعطيكم العافيه اخواتي العزيزات

وكل عام وانتوا بخير والعيد عليكم مبارك

صراحه كفيتوا ووفيتوا وا نردها لكم اذا زرتونا الشرقيه ان شاء الله وبافراحكم

وجزاكم الله خير وهذي من عندي لكم :26: :26: :26: :26: :26: :26: :26: :26:

هلا فيك غندة في ديرتك الرياض بين أهلك وحبايبك

شوفي عندي لك نصيحة اذا كنتم مو مطولين لا تضعين وقتك على الفاضي
انصحك لا تعدين شارع العليا العام
فيه الفيصلية والمملكة والعليا مول ونفسه محلات متفرقة على شارع العليا العام
وبعد الامير عبد الله بس لا تروحين لغير الاشياء هذي

وبالنسبة للمنتزهات عندك مننزه سلااااااااااااااااام روعة الكل يمدحه بس ترى ما رحت له
بس مكانه بضبط يمكن قدام اسواق مكة على ما أظن واسواق مكة على طريق الملك فهد
بس لا تروحين لاسواق مكة وع اذا كنت تبين البضائع الكشخة

أتمنى اني دليتك على شيء