بنات الرياض بنات وسط البلد ..ممكن شوي؟؟ >>> الأسواق وأماكن التمشيه

شوفي يا اختي عندك الاسواق اللي فيها مطاعم وملاهي كثيره تنفع لك انت وعيالك مثل صحارى - الفيصليه -المملكه-حياة مول - غرناطه-
عندك لي مول الحلو فيه ان الملاهي السواره ب20 ويلعب الاطفال اللي يبون فيها وانت تتسوقين
ملاهي غرناطه رررررووووعه بس ناااااار غاليه
والاسواق هذي اكثرها ملابس ماركات حقت الطلعات
تبين ملابس بيت عندك الهرم والعويس (وسيتي ماكس ملابس رخيصه ومرتبه )
مطاعم حلوه ورخيصه عندك في شارع الثلاثين السرايا التركي
ويمدحون في طريق خريص مطعم بكوفي شوب وصالات العاب اسمه الشرفه بس انا ما رحته
عندك شيزان اكل هندي خلف عمارة مشاعل الرياض سابقا
حديقة الحيوانات اعتقد انها مغلقه حاليا
وهذا اللي في بالي وبالتوفيق

اسفه مكرر

]ياهلا بك وراح تنوين الرياض بوجودك فيها
طبعا ما يحتاج اقولك الرياض زحمممممممه وخاصة الويك اند فإذا تبين تجيب تعالي نصف الاسبوع مع يوم ويك اند

بالنسبة لملابس الماركات
الرياض ملها مجمعات طبي واختاري...لكن اذا تبين شي شامل وكامل عندك غرناطة - صحارى

ملابس البيت:
عندك سناء واخر فرصة والسدحان (طريق الملك عبدالله قريب من صحارى) فيه استوكات للماركات
وعندك الهرم (طريق العليا مقابل العويس)
والبلاد مول (في شرق الرياض بس ما اعرف اسم الشارع)

الملاهي عندك في المجمعات مثل لي مول- غرناطة - صحارى -الفيصلية-حياة مول
واذا تبين تبسطون يوم كامل خذي عيالك وزوجك وروحي منتزهات الثمامة فيها ملاهيات ودبابات وكشته ووناسة
وانصحك بالديرة او الفانتزي لاند
او روحوا منتزه سلام يمدحونه مره

حديقة الحيوان هي في الملز لكن يوم رجال ويوم حريم ومو متأكده انها فاتحة
اذا تبين شي فيه حيوانات بسيطة روحي لمحل فيفا في الملز عندهم كم حيوان مثل قرد - طاووس - كلب- حمار -....الخ حاطينهم في قفص

مكتبة ..اذا عامة مكتبة الملك فهد على طريق الملك فهد
وفيه مكتبة الامير سلمان في جامعة الملك سعود بالدرعية الخميس من 8-5 نساء
وفيه مكتبة الملك عبدالعزيز الفرع النسائي في المربع

السوق الشعبي: الثميري في نص البلد وسوق الزل تلاقينهم عند المعيقلية

المطاعم العائلية:
اللبناني" شتورا في العليا مقابل مجمع الموسى
البحصلي : طريق الملك عبدالله
سعدالدين-الريف اللبناني- ابو كمال- السرايا التركي (رخيييييييص): طريق الثلاثين


ايطالي
البيت الايطالي: طريق الملك فهد مقابل مجمع البستان
الريف الايطالي: طريق التحلية
المذاق الايطالي: طريق خريص

صيني:
ميراج طريق العروبة مقابل اليورومارشيه
جزيرة الاحلام طريق الملك فهد مقابل الفيصلية

مكسيكي:
اميجوس في حي صلاح الدين قبل التميمي
وفيه الركن المكسكي في شارع متفرع من التحلية

هندي:
مكاني في السليمانية
زعفران في السليمانية
افاد في التحلية

ايراني
شيراز في السليمانية

مكس:
سزلر هاوس
ابل بيز
تشيليز كلهم في التحلية

واذا تبين اسوي لك جدول كم يوم:
اليوم الأول الصبح من 8 روحي الهرم على طريق العليا
وبعدين 10 روحي لسناء او اخر فرصة او السدحان على الملك عبدالله
بعد أذان الظهر روحوا للبحصلي تغذوا لحد العصر
بعد العصر روحي صحارى او حياة مول تقضي والعيال يلعبون وبعدين تعشوا من المطاعم وروحوا ناموا
او ممكن تروحون للملكة بعد العصر وتقصون تذاكر للمطل وتطلعون تتفرجون على الرياض بعدين انزلوا وتقضوا وتعشوا

اليوم الثاني: اطلعوا الساعة 2 روحي للتحلية واتغدوا في اللي يعجبكم
بعدين مروا منتزة سلام تمشوا فيه ساعتين
بعدين بوجهكم على نص البلد على الثميري وسوق الزل وتمشوا وتقضوا
وبعدين ممكن تمرون على شارع السالة (للمواعين) او بن دايل (اثاث ومواعين ) وتمشوا
بعدين اختاروا مطعم وتعشوا وانبسطوا

اليوم الثالث : روحوا احد منتزهات الثمامة وروقوا فيها لكن خليه يوم ويك اند افضل عشان يصيرون فاتحين

ان شاء الله يكون الجدول اعجبك
واي خدمة من عيوني

ان شاء الله مايقصرون معك البنات

وحياك الله حتنورررينا

عذ به

حياك الله في الرياض

بحط الأشياء الي ما تتفوت في الرياض

و لأن وقتك ضيق أنصحك لا تروحين للمحلات و المعارض الموجودة في المدينة الي جيتي منها لأن بضاعتهم دائماً موحدة

*مركز المملكة ( المطل ) حلو جداً للأطفال و يكون في النهار أحسن

* أعجبني جداً أهتمامك بالمكتبة ( مكتبة الملك عبد العزيز ) القسم النسائي وسط البلد لا تفوتك روعة و خاصة مكتبة الطفل رائعة و مجانية من 4 العصر حتى 7 أو 8 و إذا عزمتي ارسلي لي و أنا أسأل لك

* ماركات عالمية ( سنتريا ) على شارع العليا العام


* مطعم ( أسماك النافورة ) بوفيه حلو جداً 99 ريال للفرد غدا و عشاء آخر الأسبوع


* الأشياء التراثية ( سوق الزل ) بالثميري وسط البلد


اذا احتجتي وصف لأي مكان أرسلي لي و أنا في الخدمة