بنات الرياض تتوقعون احصل مطابخ المتر 500واقل وتكون حلوة وكشخة تكفون ساعدوني؟؟؟؟/قديم

شوفي موضوعي عن المطابخ الرخيصه فيه كل شي تبينه
وان كان ودك برقمه ارسلته عالخاص

وين موضوعك؟ حتى انا ابغى هالسعر

أرخص شي مطابخ حراج بن قاسم
وتراها نفس نوعية المحلات اللي على شارع الأمير سلمان
بس اللي على شارع الأمير سلمان حراميه درجه أولى سعرهم أكثر من ضعف أسعار بن قاسم
ونفس الشغل حتى شكلهم يفصلون عندهم
بس انتبهي ترا جودتهم خايسه
وإدا قالولك ضمان تراهم كدابين
لقينا واحد يشتكي منهم ويقول مطبخه ماله إلا فتره بسيطه وخرب ويوم يدق عليهم يقفلون الخط
ولا فيه ضمان ولا شي
"هدا بالنسبه للي في شارع الأمير سلمان أما بن قاسم ما تعاملنا معهم بس شفناها"

وفي الأخير رحت عند المصنع السعودي اللي في التخصصي
وكلف ١٤ ألف وبجوده عاليه والرفوف دبل وصاج إيطالي مو فورمايكا
"أمااللي على شارع الأمير سلمان واحد قالنا ١٤٠٠٠ والثاني ١١٠٠٠ وآخر ١٠٥٠٠ "
وفورمايكا اللي أرخص من الصاج والرفوف مي دبل والمفصلات زي الزفت يعني الباب ما يتسكر زين

لكن إدا بتفصلين عندهم شوفي هدي النصائح اللي لقيتها الله يجزاه خير اللي كتبها
ولازم تطبقينها ولا بتخسرين

بحكم خبرتي البسيطة أولد لفت انتباهك الى بعض النقاط
1 - معظم محلات تفصيل المطابخ المتلاصقة تتبع لمالك واحد وان اختلفت تفاصيلها
والهدف من ذلك هو التغرير بالزبون كي يمر على أكثر من محل ثم يختار أحدها لرخص سعره عن المحلات المجاورة بينما في الواقع أسعارهم وضعت كي تقوده الى هذا الاستنتاج وللتأكد من ذلك اسأل العامل عن صاحب المحل وموقع الورشة ( يسمونها المصنع !!! ) ثم اسأل المحل المجاور ثم المجاور وهكذا.
2 - انتبه من طريقة حساب الأمتار ففيها مصيبة كبرى مثلا حساب المتر الطولي ( فوق + تحت ) 600 ريال اذا كانت هناك مسافات بدون أرفف فوقية يجب خصمها من القيمة ليصبح السعر للمتر في هذه الدواليب ثلثين القيمة , يعني 400 ريال بدلا من 600
يتم زيادة سعر الزوايا 50 % لتصبح 900 ريال
انتبه من حساب مسافة الزاوية مرتين !!!! كثيرا ما يتم حساب الزاوية بهذا السعر ثم يتم حسابها بالسعر العادي ضمن المساحة الكلية



3- جمع معلومات من كل محل عن نوعية الرخام والمفصلات والالمنيوم والفورمايكا وسعر كل نوع قبل اتفاقك النهائي مع صاحب المحل 4 - ليست عنصرية والله العظيم , لكن معظم البائعين من الجنسية المصرية , ومعظمهم غير أمناء في الحساب حتى وان بدت على بعضهم علامات الصلاح خذ معك اله حاسبة واحسب الأمتار والتكلفة ولا تسمح للبائع أن يشوش عليك أثناء ذلك.





5 -بالنسبة للرخام اشرط عليه أن يكون درجة أولى وتأكد من ذلك عن طريق عمال تركيب الرخام مع وضع الحواف على كل الرخام لمنع التسرب 6- أشرط عليه وضع أعمدة دعم على شكل حرف x في جميع الزوايا والدواليب السفلية ( خاصة محل أنبوبة الغاز ) 7- عند كتاب العقد احرص على ما يلي: أ - كتابة جميع التفاصيل السابقة
مثال نوع الألمونيوم , صناعته, سمكه .......الخ
نوع المفصلات وجودتها ( أصلية ) مع ضمانها
ب - ضمان الرخام غالبا ليس مكتوبا بالعقد احرص على كتابته وأنهم هم المسؤولون عنه
ج - ضمان 10 سنوات على الأقل
د - دفعه أخيرة بعد التركيب - وليس عند التركيب - احرص على كتابتها ( على الأقل 20 % من كتابة العقد )
ه موعد التركيب ( اليوم والساعة )
و شرط جزائي عن كل يوم تأخير 100 ريال على الأقل


ليست مبالغة والله العظيم لكن الغالبية منهم يعطونك حلو الكلام وانه هو المسؤول عن أي شيء ويعدك بكل شيئ ثم تفاجأ وقت التركيب باختلاف كبير ومواعيد غير دقيقة وشغل أي كلام فاحرص على النقاط السابقة


عن سابق خبرة سأتحدث..
سجل كل ماتطلبه منهم في العقد..ولايهمك كلامه بانهم ثقة وماله داعي هالكلام..
وسجل شرط جزائي في العقد إذا تاخر عن التركيب لو يوم واحد..
لاترحمهم هم مارحموووووووووووووووك في السعر..
أنا سبق وفريت على اهل المطابخ وفصلت عند مطبخ......وحصلت بيننا مشكلة صغيرة..
وتاخر التركيب اكثر من اللازم..وهم يعاندون وانا مصمم على التركيب..
وذهبت للشرطة لشخص أعرفه واسطة لي وطالبت بحقي الشرعي وتعويضي عن التأخير..فقال لي الشرطي هل فيه شرط جزائي في العقد..قلت لا..
قال مالك إلا نصلح بينكم فقط..وهذا اللي نقدر عليه..
المهم صلحنا على خيرررررررررررر..ولله الحمد.
أهم شئ سجل شرط جزائي عن التأخير..
وفيه كلمة قالها لي صاحب أحد المطابخ ومقتنع فيهاااااااااا..
يقول:لاتسأل عن كم المتر وكيف نحسبه..أهم شئ أعرف كم بيكلفك المطبخ..

رفع

زهرة اللوتس شكرا حبيبتي الله يجزاك خير