اذا كانت ميزانيتك تسمح روحي للمحلات اللي بقولك عنها

بالنسبه للفساتين السهره او تيورات فخمه روحي باكو وميموزا وفيه محلات في عماير السريكون روعه بس كل المحلات اللي قلت لك عنهم راقيه وغاليه .
ومفارش السرير روحي لجار الله ونمارق عندهم اشياء روعه ..

والله يوفقك ويتمم عليك زواجك

غروب الصحراء

الف الف الف شكرررر حبيبتي ماقصرتي

طيب معليش ممكن تعطيني الوصف تبع اجار الله ونمارق يعني بأي حي ؟

واكون شاكره لك

الجار الله ونمارق في طريق الملك عبدالله بس مادري هم نقلوا او لا اذا عرفت رديت عليك

مشكووووووووووووووووره ماقصرتي
الله يعطيك الف الف عافيه حبيبتي

بالبدايه الله يوفقك يالغلاا
نصيحتي يالغلااا انا زواج اختي شهر 7
عندك اسواق مكه فساتين الزواج بدون منافس
ورخيصه
انا لاقيه بالعليا فستان قيمته 4 الاف ونفسه باسواق مكه بالفين
وعندك الفساتين العاديه
اسواق المجد بمخرج 15
وعندك القريه الشعبيه بحب العريجاء روعه
عندهم اشياء حلوه
وكمان سوق المعيقليه واشيقر المفارش روعه
ملاحظه يالغلاا مهمه وعن تجربه
لاتركزين على كل جهازك ماركات وغاليه
لا خوذي لبسين 3 ماركات والباقي عادي
عشان المهر يجملك
وعندك مثلا الملابس الداخليه حلوه تاخذين لبس الأسبوعين الاوله من نعومي وغيره من الماركات المعروفه
والباقي من الهرم والله العظيم عندهم اشياء روعه

وان تذكرت شي لي عوده
الله يسعدك