بنات الرياض طحت لكم على محلات تبيع ماركات زارا* وأوكايدي* وادمز وغيرة ببلاش
محلات تبيع زارا* وأوكايدي* وادمز وغيرة ببلاش
من جد يابنات ذهلت بمعنى الكلمة
دائما اتسوق لاولادي من صحاري وطبعا أفضل الماركات بس يادوب لبستين تكلفني 500
المهم كنت اكلم صديقتي البارح وقلت لها بروح لسووق اشري لاولأدي للعيد
قلت تعالي كل الماركات العالمية اللي بصحارى وغيرة عندنا وفرق 90%بالاسعار
المهم توقعت انها تقليد او مشابهة لها
قمت العصر واخذت السواق والاولاد وطلعنا ومريت صديقتي ورحنا
دخلنا السوق وعاد صديقتي ماشاء الله عليها تدل الدروب وندخل اول محل
واناظر الا كل الماركات قدامي امسك القطعة والقاها اوكايدي نفس القطعة ونفس الطبعة اللي من الخلف
واشوف الثاني زارا واللي بعدها ادمز (طبعااا بس اطفال) وماركات اخرى كثيرة
مستحيل ماني مصدقة تبقبقت عيوووني
والاسعار 20ريال لكل قطعة
المهم طقمنا 5 لبسات بلايز وبناطيل وبلوفرات المهم محمد كم الحساب؟
قال كلة 120 وشووووو؟ ماني مصدقة
قلت انا اشتري بلوووزة وحدة تكلفني اكثر من 120قالت صديقتي اسكتي لاحد يسمعك فضحتينا
ونطلع للمحل الثاني ونشيل
والمحل اللي بعدة ويالله
المهم يابنات انا ماعندي الاولدين شريت لكل واحد اكثر من 10 قطع ماكلفني اكثر من 500 ريال
تخيلوووو
وانا في المحل قال ولدي الصغير ماما شوفي نفس بلوزتي واناظرها ب20 ريال وانا شاريتها من اوكايدي اللي بصحارى اكثر من 120 ريال
شي يقهر
وأخذت عهد على روحي ما اتقضى لاولادي الامنة
على فكرة لبس الماركات في هالمحلات بس اطفال
واكيد كلكم بتسئلوووني وين هالمحلات
راح اقولكم لان الرسول صلى الله علية وسلم قال بمعنى الحديث لايؤمن احدكم حتى يحب لاخية مايحب لنفسة
مجمع الراجحي بحي السويدي اول ماتدخلين المجمع بس لفي يسار وتلقين كل المحلات متقابلة
طبعا لوحات المحلات عادية بس ادخلي وشوفي القطع
واكيد بتطلعين محملة
وادعيلي وإدعي لصاحبة الموضوع
منقول للفائده
البدر تولين @albdr_tolyn
عضوة نشيطة
يلزم عليك تسجيل الدخول أولًا لكتابة تعليق.
الفراشه المبخوته
•
جزاك الله خيرا
اي والله صادقه يااختي ..حتى انا كنت مثلك ويوم دخلته ماصدقت وشييييييييييل من هالملابس تقول في مقطعه
ههههههههههههههههه
ههههههههههههههههه
الصفحة الأخيرة