بنات الرياض , محاضرات دعوية لو سمحتوا

السلام عليكم ورحمة الله وبركاته

بنات فيه عندكم في الرياض محاضرات دعويه للنساء فقط
يعني عن رمضان وفضله وكيف الواحد يقضيه يعني تذكير ومجلس خير تشهده الملائكه

بحيث اقدر ادخله يعني يكون للنساء عامه مو شرط لمشتركين في حلقات تحفيظ او غيره

بصراحه انا ماني من اهل الرياض وكنا متعودين انا وصحباتي الله يذكرهم بالخير نجتمع في محاضرات دينيه للتذكير مع انشغالنا بامور الدنيا وخاصه قبل رمضان في هالفتره

وانا الان وحدي ماعندي احد اقدر اجتمع معاه نسمع محاضرات ونتناقش الا انا والحلقات اللي تجي بالتلفزيون وتعرفوا فرق عن لما الواحد يحضر مع صحبة صالحه او مع مجموعه عن لما يكون لوحده :44: ونفسي باللحظات الحلوه والاجر في مجلس يذكر فيه اسم الله من ويم ماجيت الرياض ماقدرت الاقي هالشيء

فالله يعافيكم اللي تعرف مجالس مفيدة تدلني عليها خاصه لو قبل رمضان افضل لانه رمضان للعباده والواحد مايبغى يضيع وقته في المشاوير

انا مااعرف هالشيء متعارف عندكم او لا فياريت تفيدوني فيه

واتمنى يكون شيء قريب من شرق الرياض لانه المشاوير تنحسب عليا بس لو مافي الا بعيد مو مشكله المهم اماكن معروفه امنة


وسؤالي الثاني انتو النساء كيف عاداتكم في رمضان تقدروا تروحوا للمساجد تصلوا فيها ولا مو زين للوحده تروح يعني قصدي عن نظرة المجتمع للبنت تخرج تصلي في المسجد

انا ماكنت اروح الا نادرا بس الان ودي اروح عشان اسمع واشوف ناس تذكر الله بدل مااني وحدي

وطبعا مااظن اني حقدر اروح للمسجد اللي عند بيتي :44: فلو عندكم مساجد عادي النساء تروح لها ولو فيها حلقات ذكر ياريت تدلوني عليها


وكيف تقدروا تخرجوا فطور للصائمين احنا عندنا نتفق مع المطعم اللي جنب المسجد نعطيه مبلغ معين ويوزع وقت الفطور وجبات بقدر المبلغ ويفطروا عليها الناس وقت الاذان
مااعرف عندكم موجود هالشيء
ولو تعرفوا مساجد جنبها مطاعم كذا ياريت تدلوني عليها


وهل عندكم جمعيات نسائيه خيريه ترحب بزيارة عامه وتوزيع شي معين مثلا وجبات افطار وقت الفطور او شي من هذا القبيل ويصير فطورنا جماعي معاهم


جزاكم الله خير