بنات الرياض مدارس رياض نجد ومدارس التربية الأهليــة وش رايكم فيها تكفون ساعدوني .....

هذي مدارس شديده وتشدد في الاختبارات حتى اسئلاتهم مافيها تساهل شفيلك مدرسه صغيره يساعدونك وكله عشان النسبه

انا انصحك برياض نجد حلوة

وفيه مدارس المستقبل للشرح


بس رياض نجد افضل

اتمنى افدتك وكل التوفيق لك

ومدارس رياض نجد نفس الشيىء الإعادة + القسم العلمي + الشرح هل المدرسة شديدة من ناحية الملازم والدراسة عموما بغض النظر عن البنات واخلاقهم لاني ابنقل انا وصديقتي المقربة .....

يا قلبي أنا لي 6 سنوات برياض نجد
وشوفي بناتها فيها وفيها فيها المحترمات ولاخلاق
وفيها العكس بس طبعا هالبنات مو ظاهرين يعني من تحت لتحت

بس ياقلبي انت علمي
شوفي أختي تخرجت قبل عامين طبعا من رياض نجد
بس ماجابت نتيجه حلوه مع انها شاطره مشاء الله عليها وفيه لي صديقات تخرجوا منها بالنسبه حلوه
امممممممممم وترى الاعاده مره وحده على حسب علمي في االمتوسط والثانوي ما ادري عن ثالث ثانوي
بس بالنسبه للمتوسط والثانوي حد 2 ثانوي لا الاعاده مره وحده بس
بالنسبه لشرحهم حرام أظلمهم لا والله سنه ثالث ثانوي مرره يجتهدون لهم
بس انهم شدييييييييييييييييييييييييييييييييييييديييييييييييين شديدين مررررررررررره
وبالنسبه للملازم يعطون ويعطيونك بعد اسئله الرئاسه للسنوااااات الماضيه انتبهي للسنوات الماضيه


واشياء حلوه انشاء الله نشوفك عندنا
وإذا تبين زياده الغاليه راسليني على الخاص

التربيه اعرف ناس دارسين فيها مرررررررره شديده وصعبه
ولا يساعدون بثاالث ابد

أنا دارسه في التربية النموذجيه مرررررررررررررة رووووووووووعه من ناحيه شديده فهي شديييييييييييده حييييييييييل بس الشده حلوه وفادتنا كثيييييير لما صرنا توجيهي وعلى فكره أنا علمي ومتخرجة بنسبه 94 بس من ناحيه ملازم وتعاون واسئله كافيه ووافيه إلى درجه إن أسئلة التوجيهي صارت عندنا تافهه مع إن سنتي كانت أسئلتها صعبه بالنسبع لبنات أعرفهم شاطرات وفي مدارس ثانيه لا ونزلت نسبهم عن الترم الأول عكسي أنا وصديقاتي اللي ارتفعت عن الترم الأول بس تراهم بنات العلمي في مدرستي يدرسون يوم الخميس والرياضيات عشر حصص في الأسبوع غير حصص وقت الطابور يعني الحصص في اليوم من 8 إلى 9 حصص بس رووووووووووعه مايبغى لها كلام وإلى الآن ملازمي ودفاتري وكتبي بنات أقربائي اللي في التوجيهي يعتمدون عليها ... بس من ناحية البنات فيه الزين وفيه الشين ... والمدرسات ولا أرووووووووووووووووع كأنهم أخواتنا .... قلت لك كل شي وبأمانه وأي اسفسار أنا جاهزه عالخاص..