بنات الرياض ممكن تدلوني على منتزهات + اسواق

البرجون بعيد زوجي ما يوديني

خاصه انها غرب و انا شرق

هذي الوحيده من اهلي التي سكنة الرياض و كانها في مدينه ثانيه

انتي شرق عندك ...


بشرى بس للأسف :(


كل شي حلو بطريق الملك عبدالله او الدايري اقررررب شي


طيب اسواق ما تبين!!!

لان فيه العثيم مول الجديد مو اللي عند المجد لا ثاني اللي عند هوم سنتر طريق الدمام ..

وفيه العاب فوق وهو كبير ما شاء الله

بس للامانه انا ما شفت الالعاب فوق ويوم اروحه مو كل المحلات فاتحه ...

....


فيه السدحان حلو اللي على خريص وفيه فوق جلسات ومطاعم .وملاهي .. بس عيبه ما فيه اماكن مغلقه


بس صراحه كل شي حلو شمال الرياض ...

المرسى ما انصحك فيه <<<تخاف تفكرين فيه

رحت له مره وحررررررررررررررمت يجيب الكآبه مرهـ


وان شاء الله تنبسطين مع قربتك :)

بالتوفيق

اخواتي الله يجزاكم كل خير

انا ابغي شيء نسائي فقط

رحت الحكير حلو و انبسطت فيه مررره و رحت البشرى اليوم بطلعها مكان طبعا ستار ستي اعرفه و المرسى زي ما قالت الاخت ما افكر فيه ابد من برى شكلها كئيب .... ابغي مكان جديد
اسواق نسائيه بس هي تبغي ما ركات فيه اسواق نسائيه زي البشرى
و منتزه الخيمه كيف حلو و بكمالدخول

و انا ساكنه شرق الرياض عند مخرج 15 و هي غرب يعني لزم المكان قرب بيتها او بيتي


و الاسواق التراثيه مثل الجنادرية عند منتزه الدوح هي قد جات قبل و سكنت غرب و عجبتها و سالتني عنها مين يعرفها