بنات الرياض والخرج ممكن تدخلو

السلام عليكم ورحمة الله وبركاته
أهلين اخوتي ان شاء الله تكونوا بخير
ماني عارفة من فين أبدأ من سنه امي الله يرحمها توفت وصارت نفسيتي مرة تعبانه طلعت حرتي كلها في أ ولادي واللي زاد الطين بله ان مافيه جيران أروح عندهم ولاحتى أولادي يلعبو معاهم وكل ماندور دور أوشقة واسعه مانلاقي والفيلا مستحيييييييييييييييييل زوجي يشتري في الرياض لانه أهلنا كلهم في جدة واحنا عايشين على أمل النقل الان ابغاكم تساعدوني أذا تعرفوا شقة أو دور في شرق الرياض ابغى أتعرف على جيران أسأل عنهم ويسألو عني وأولادي يلعبوا مع أولادهم أو تشورو علي انه أنقل الخرج لانه عمل زوجي فيها بس هوا رافض ينقلنا يقول مستحيل تعيشوا فيها بعد الرياض لانها صغيرة ولافيها أماكن للتنزة كثيروأصحابة اللي سكنوا فيها يجو الرياض خميس وجمعة ويستأجرو شقق مفروشه بس انا متعشمه انوألاقي فيها ناس طيبه فايش راي بنات الخرج تأيدوني أنقل أولا ماني عارفة أيش الحل الله يرضى عليكم ساعدوني واللي ماعندها خبرأبغها ترفع الموضوع بتيسير أمري وأمركل المسلمييييييييييين
عارفة انه مشكلتي ولاشي مع مشاكل بعض البنات وإنه الشكوى لغير الله مذله بس موبيدي خلاص 10 سنوات ماني قادرة أتحمل أكثر
يارب تفرج همي وهم المسلمييييييييييييييين ياقادر ياكريم