بنات الرياض وشاكنات حي القادسية بالذات تعالوا شوي بسألكم عن الحي

Selver_honey :

القادسيه فيها ناس كثير بس توها جديده ومشكلتها بعيده هي تقريبا على شارع لامام عبدالعزيز بن سعود مخرج 9 الحي اللي مقابلها من جنوب فيه استاد الملك فهد لكرة القدم طيب انا رأيي ما تسكنين فيها مدامكم بتستأجرون خذوا قريب من هناك اذا تبون شرق الرياض عندك حي المونسيه قريب منها مره واونس شوي بعد هو بعيد شوي او شوفي حي اليرموك وغرناطه بجنب بعض وقريبين من القادسيه شو ي بس اونس منها بكثير ومنطقه مأهوله وقريبه من الدائري لشرقي يعني بينكم وبين غرناطه مول 3 دقايق او 4 وكمان حي اشبيليه وحي الحمراء بعد بجنب بعضهم وقرب غرناطه وعلى الدائري الشرقي لو بغيتوا الروضه او طريق الملك عبدالله بيكون سهل مره تروحون لشمال الرياض انصحك يا اشبيليا او الحمراء _غرناطه _ اليرموك او حي الملك فيصل _ الفلاح قريب من الدائري الشمالي وموقعه استراتيجي وكمان حي الازدهار بجنب الفلاح الخيارات كثيره بس القادسيه احس كأنكم بتطلعون من الرياض وماعندها شيء قريب ومعروف مثلا مجمع كبير او مستشفى كبير لكن الحي الي ذكرت لك خاصه حي الفلاح والربيع والندى كلها ع الدائري الشمالي والغربي وتقدرون تروحون لأي مكان بدون زحمه وكان قريبه من شمال الراياض والمنطقه جديده وحلو ه احس اني شتتك اكثر بس حبيت اعطيك خيارات

القادسيه فيها ناس كثير بس توها جديده ومشكلتها بعيده هي تقريبا على شارع لامام عبدالعزيز بن سعود...