بنات الرياض وين أحصل ايكيا ومركز الهرم

اما ايكيا فهي في اخر طريق الامير عبدالله وانت رايحه غرب ...........والهرم في شارع العليا العام مقابل سوق العويس .....يارب عرفتي الوصف

هلا حبيبتى

انا اعرف اللي بشارع احمد بن حنبل

وفيه واحد كمان قريب من طيبه بس مو قد كذاااا

وعلى فكره ترى هو اش يميزه انك تلاقى شغلات حلوة للبيت

يعنى مو حاجه تصلح تروحين فيها لاحد

اما ايكيا

فاعرف انها قريبه من الجامعه

بحي الرائد ، طريق الملك عبدالعزيز أمام مبنى الجمارك بحي الملك عبدالعزيز ) .

انا اعرف الهرم فى الشفاء وبسسسسسسسس

السلام عليكم
مشكورين على ردودكم
ولكن ياليت توصفون أكثر
يااجوديه الهرم اللي بشارع العليا كبير
مدري وش صار وين أحصل شارع أحمد بن حنبل
وأبي وصف دقيق لأيكيا
لأني بمشي اليوم للرياض وأختكم ماتعرف إلا شارع العليا وطريق خريص

هلا جهينه

وحياك الله في الرياض ... بالنسبه لايكيا في طريق الامير عبدالله .. وانت ماشيه في طريق العليا راااح يجيك طريق الامير عبدالله على حسب اتجاهك انتي في الشارع روحي يمين او يسار عموما اللوحات راح تدلك .. اذا دخلت في طريق الامير عبدالله استمري على طول وراح تجيك ايكيا على يسارك ... من عند الاشاره اعملي دوران و ارجعي لها ..
بالنسبه للهرم فيه فروع كثيره جدااااااا .... اللي بشارع العليا قدااااام اسواق العويس بالضبط بعد اسواق طيبه .
اللي في شارع احمد بن حنبل هذا في حي النسيم . قريب من طريق خريص . وانت في طريق خريص راح يجيك شارع اسمه عبدالرحمن بن عوف ادخلي فيه وامشي على طول راح يجيك كم اشاره عديهم و بعدين راح يجيك شارع احمد بن حنبل روحي يمين .. راح يكون الهرم على اليسار ..

اتمنى اني اكون افدتك و بالتوفيق