بسم الله نبدي وعلى النبي محمد نصلي ونسلم
اعرفكم بنفسي انا متزوجة وموظفه بوظيفه تهد الحيل زوجي عاطل عن العمل لانه يدرس وطبعا ماعنده راتب
انا وحده عانت من مكاتب الخدم و ومالي حظ بالخدم جبت نيباليه قعدت عندي 7 شهور بعدها قالت بسافر ولدي تعبان قلت انطري سنه قالت لا مايبي
طبعا خذيتها كفالة مكتب يعني جايبينها من ديرتها ويعرضونها بالمكتب اللي ودها بجاهزه تاخذها بدال ما تنطر شهور على ما تجي الخدامه
وطبعا يكون سعرها اغلى من اللي تطلبينها وطبعا لانها جاهزه وجديده خذيتها علت قلبي على مافهمت الشغل وكانت تبكي اول الايام عبالي تبكي على ولدها اتصلت بصاحبة المكتب نيباليه وكلمتها قعدت تصارخ وتبكي وبعدين كلمتها قلت انتي شنو تقوليليها ليش تبكي قالت لا ماما مافي شي هي بس تفكر في ولدها
مع الايام اكتشفت انها مغصوبه على الشغل ما تبي تشتغل تحسفت انها جت لانها تقول ان وظيفتها هناك بقرب ولدها المعاق افضل
وبما ان كفالة المكتب عندنا 6 شهور يعني خلال هالفتره هذي لو الخدامه ما تبي تشتغل او انحاشت يحق لي استرداد كافة المبلغ اللي دفعته للمكتب
اثاري الملعونه صاحبة المكتب يوم تكلمها وتصارخ عليها تقولها اشتغلي غصب او تهددها عشان المكتب ما يضطرون يدفعون المبلغ كامل لي وتصبرها لمده 6 شهوربعدها سوي اللي تبين انحاشي او اعترضي
المهم بعد شهور رفضت العمل وصارت تعاندي
ررغم انها غبيه وبارده بس احليله معاها واداريها ولا ما عندي بزر ولا شغل واجد اللهم شقتي الصغيره
واضطريت اسفرها يعني خسرت مبلغ كبير من المكتب ودفعت تذكرتها
كل الخدم يتمنون الشغل عندي
بس مو قادره على فلوسهم ونصب المكاتب
الحين خايفه اجيب وحده وتطلع نفس الحكايه
وخايفة ادفع اتخسر وتطلع فيها عيب
دورت بالمكاتب سيلانيه اثيوبيه ونيباليه
اجيبهم شهر وارجعهم المكتب وادفع يوميتهم
لاني موقادره ادفع لخدامه جديده
بس تعبت والله وانا ناويه احمل بعد علاج سنوات
وتعرفون حمل العلاج مايبيله شغل وكرف يبيله راحه تامه
ورجالي راعي ديوانيه على طول يطلب عشا وغدا ويعزم اصدقائه
طلبي
تكفوووون طالبتكم احتسبوها لوجه الله ومن فرج عن مسلم فرج الله عنه كربه من كرب يوم القيامه
اللي عندها خدامه سنعه ونشيطه وطباخة وذكيه ومؤدبه وتبي تسافر خدامتها
او اختها او امها او جارتها تملك خدامه بذيك المواصفات تقولها عني يمكن تقتنع تشتغل
وترسلي صورة من جوازها عشان اسوي فيزا لها ومستعده ادفع تذكرتها يعني ماتكلف على نفسها شي
تقولها عني انا من الكويت وشقتي صغيره وبعدسنه والله اعلم بيجيني مولود بما اني بمرحلة علاج
تدرون ليش انا طلبتكم يالسعوديات لاني احب هالديره واحب خوة حريمكم السنعات ماشالله ادخل بيوتكم نظافة وسنع وادب وطبخ وشغل عدل مرتب
صورتكم واظحه في عالم حواء قسم الترتيب الخبرات المنزليه
تفوح منه رائحه السنع والنظافه والدبره الزينه والعقل والجيد
ماشالله تبارك الله لا الة الا الله
احب شغلكم وحركاتكم وابتكاراتكن وابداعاتكم ودبرتكن
تكفووووووووون لا تبخلون على اخيتكم بحاجه لمساعدتكن يا اهل النخوه والجود والطيب
انا جربت سيلانيه من السعوديه مشالله خبره وصج جزاها كل خير من ربتها
سنعه وحركه ونظيفه وطبخ ممتاز وقهوتها مضبوطه وحلا وكيك وكبسه ومرقوق
جعل الجنه مكانها اللي علمتها
واللي تبي دعوه لها كل ما شالت صحن ولا طبخت طبغه ولا كوت عني وغسلت ملابس او طبخت
اردد واقولها الله لا يكرب من جابج لي الله يغفر ذنب من ربتج الله يطول بعمر من ريحتني ودلتج علي
تكفووون الله طالبتكم يا اهل النخوه لن تكف يدي وقلبي عن الدعاء لج
اعرفكم اهل كرم وجووود وتربيتكم للخدم مافي مثلها وطيبكم ماله مثيل
معروف احسن الخدم اللي يجون من السعوديه وهذا ان دل يدل على سنعكن وشطارتكن
بجد احبكم في لله
ابيها اثيوبيه سيلانيه نيباليه اي جنسيه ما عدااااااا اندنوسيه او فلبينيه
وسلامتكم وتعيشوووون
لا تفشلوووني تكفوووون
انا بامس الحاجه لكن
لا تبخلون علي تذكري احب لاخيك ما تحبه لنفسك والله لدعيلج من صميم قلبي انج ريحتيني
دام خدامتج مسافره مسافره اعملي خير لخدامتج ولي اعرضي عليها الموضوع
انا طامعه بسنعج وطيبج
راسليني ع الخاص اذا عندج الخدامه
وارسلج رقمي عشان اكلمج
بانتظاركن
منكم وفيكم22 @mnkm_ofykm22
عضوة جديدة
بنات السعوديةالسنعات.. من تبي كنوز من الحسنات..عدد ثواني السنوات..على كل غسلات وطبخات
28
2K
يلزم عليك تسجيل الدخول أولًا لكتابة تعليق.
برد و دفا
•
ياقلبي الله يسهل عليك ويرزقك الذريه الصالحه ودي اخدمك بس ماعرف احد ان شاء الله البنات يساعدونك
ياقلبي الله يسهل عليك ويرزقك الذريه الصالحه ودي اخدمك بس ماعرف احد ان شاء الله البنات يساعدونكياقلبي الله يسهل عليك ويرزقك الذريه الصالحه ودي اخدمك بس ماعرف احد ان شاء الله البنات يساعدونك
ماقصرتي رايتج بيضه يكفي دعوتج الصادقه
الصفحة الأخيرة