::
بسم الله الرحمن الرحيم
عزيزاتي بنات السعودية بصفة عامة و بنات المدينة خااااااصة
إحذروا هذه الأعشااااب تكفون يكفينا بلاوينا مو ناقصين أكثر
( أعشاب الجزيرة لفرد الشعر و تطويله و تكثيفه) ب 190 ريال
اختي اشترت هذي الأعشاب و قعد يحرام فرحانه تحلم ان شعرها راح يصير ناعم و مفرودمثل الكذب اللي مكتوب على العلبه و مثل ما قالها البياع الحضرمي هذا كل البنات بشتروه و بقي اخر حبه يا تلحقيها يا غيرك يشتريها المهم اشترتها و اتبعت التعليمات اللي مكتوبه كاتبين عليها اخلطي الكيس الاول اللي فيه الأعشاب بالكيس اللي فيه المسحوق و ... الخلاصه حطيها على شعرك 22 ساعة !!!
أختي في البدايه ترددت 22 ساعه يعني يوم كامل قامت رجعت في كلامها و حطته على شعرها المهم بعد ست ساعات اتجمت الاعشاب على شعرها صارت راسها مثل الرخامه مثل الحجره لا تطلع الأعشاب بمويه و لا ببانزين .
أمي مسكينه ما تدري عن شي قالتلها معليش يا بنتي اصبري 22 ساعه يمكن يكون في نتيجه .
قعدت 11 ساعه و نفسيتها صارت زفت حاولت أمي تشيلها الأعشاب بالكاز تخيلوا
و الله كأنها غرا مو غرا مسدس لا كأنها لحام حديد حاولنا كلنا شوي شوي نحط كاز و نغسل بمويه دافيه شوي و نحاول نفك الأعشاب من الشعر شوي الين ربي ستر علينا و انزاحت من شعرها لكن بقيت ماسكه في نهاية الشعر
الحمد لله انها ما حطتها في الجذور مثل ما هم قايلين افردي الاعشاب ابتداءا بجذر الشعره وحتى الأطراف !!!!
قصينا شعرها لين صار الى ادنها هذا غير الفراغات الكبيره اللي تركها في شعر أختي صارشعرها شعره و نص .
و مو كذا و بس خلّى شعرها ناشف واقف كأنه سيوف أو أسهم لو عوجتيه يمين يوقف يمين ولو رفعتيهعلى فوق ما ينزل يبقى فوق ما يطيح <<< ماني عارفه أوصفه زين صح<<المهم انحرق مئه بالمئه .
عزيزاتي اسم الأعشاب أعشاب الجزيرة لفرد الشعر و تطويله و تكثيفه
و تنباع في الصيدليات و في محلات العطاره و اختي شرته من خشيم اللي بقباء
سعره 190 ريال اللحين صار ب 170 ريال بعد التخفيض
شكله : علبة بيضاء اللون عليها رسمة أعشاب مكتوب عليها أعشاب الجزيرة لفرد الشعر و تطويله و تكثيفه بداخلها كيسين و قاروره حسب ما أذكر
مكتوب عليها أعشاب أصليه إحذروا التقليد !!!
نصيحة يا بنات
لا يغركم سعر الشي اللي تشتريه يعني ما تحطي ببالك ان هذا المنتج غالي اذن هو زين لالاااااااااااالا
لا يغركم هذا ماركه موثوق فيه لا اااااااااااااا الا
لا يغركم كلام البياعين ترى اسمهم بياعين لاااااااااااالا
لا تشتري شي الا واثقه فيه هذا الشرط الاول
الشرط الثاني أحد مجربه قبلك
الشرط الثالث شوفي يناسبك و لا لا انتي أدرى بنفسك كل وحده يناسبها شي ما يناسب غيرها أصابع اليد مو زي بعض ولا انتو اشرايكم
الشرط الرابع لا تحطي شي قبل ما تذكري عليه اسم الله عشان لو فيه شر ينزاح عنك
الشرط الخامس لا تنسوني من دعاااااااااااااااااااائكم
الشرط السادس مع السلامه يالغالين
يلزم عليك تسجيل الدخول أولًا لكتابة تعليق.
الصفحة الأخيرة
مشكورة على تنبيهج و يزاج الله خير الغالية ما اتقصرين :26: