بنات السعودية فقط سؤال

شوفي حبيبتي ..
بالنسبه للتنقل صعبه لانه سواقين التاكسي هنود
ومافيهم امانه وفي قصص خطف وبلاوي تحصل
اما اذا كان عندك اقارب فالمشكله تنحل..
اما الترفيه بالعكس في اسواق نسائيه وملاهيات
تجنن ومطاعم عائليه رائعه وعلى مستوى راقي ونظيف..
وممنوع تسوقي سيارة في المملكه..وايضاً الحجاب الملون المزخرف..
عموماً اي مكان جديد يعيش فيه الانسان في البدايه حيلاقي صعوبه
في التأقلم لكن معاه معاه حيتعود..
واذا انت شخصيتك قويه ومرنه حتتأقلمي مع الوضع خصوصاً لما تتعرفي
على صديقات طيبات من جنسيتك..
وانك تغتربي فبلد عربي اهون بكتير من الغربي..
واحب اقولك حاجه كمان(المعامله حتختلف شويه حيكون فيها شويه جفاف
وتفرقه..)لكن حبيبتي احتسبي الاجر عند ربك وقوي شخصيتك وطنشي ..
وحاولي تحتكي بمن هن مغتربات مثلك افضل لك واريح..

السلام عليكم عزيزتي

طبعا هنا سواقة الحريم غير مسموح فيها ...لكنك تقدرين تروحين كل مكان تبينه وفيه أماكن ترفيه (( ملاهي ومطاعم وأسواق .))

والحجاب العادي تطلعين فيه عادي جدا ...وفيه نوادي خاصه بالنساء

وايضا فيه ليموزينات ولو اني ماأحبذ الخروج فيها لأن فيها خلوه بأجنبي

يعني الأوضاع مو زي عندكم بالشام ..لكنها مو صعبه أبدا << هذا أحنا عايشين أحلى عيشه ولله الحمد

جده احسن لك بمليون مره خوذيها مني:26: :26: :26: :26: :26: :26: :26: :26: :26: :26: :26: :26:

اختي انا من جده وراح أقول لك عن الأوضاع هنا .

في جده كثير يخرجو بس بعباية ويحطو الطرحه على أكتافهم (يعني الشعر بره) وما يمنعو ابدا هذا الشي في جده؟؟ حتى في أجانب وكمان عرب من مصر او سوريا او المغرب ووو ولبنان عايشين فيها (ولكن البعض يمشي كذا والبعض يحط الطرحه , وعادي لو ملونه ) ما هو ممنوووووووووع ابدا ؟؟
بس كمان شفت ناس عرب (من مصر او سوريا) بعد ماعاشو في جده أرتاحو كثيييييير , وصارو من نفسهم (يحطو النقاب ) من غير ما احد فرضه عليهم ..

ولمن حتشوفي جده راح تلاقي ان حتى اغلب السعوديات فيها ( محجبات ) وما يغطو . يعني اذا دخلتي مطعم او مركز تجاري تلاقي الاغلبية كاشفه .لكن في البعض يغطي بس صارو القله ؟؟؟

وكمان لاتشيلي هم من ناحية الجيران , في كثير عرب في جده , وراح تتعرفي بسهولة , (انا عن نفسي عندي اثنين مصريات أحبهم وعلاقتي بهم قوية , ووحده سوريه زي العسل اخلاقها ) دائما نتكلم وحتى السوريه هذه لانها (زوجة صاحب أخوي) صارت تجي عند أمي تنام يعني كل بعد فترة (تنام يومين وصارت زي أختنا ) لانها ما لها أحد هنا .وفي ثانيه سوريه صاحبة اختي ..

وبالنسبه لوسائل النقل في جده , ممنوع تسوق الحرمه السياره بس عادي اذا ركبت مع ليموزين , بس ايلي أشوفهم انهم يخافو تركب الوحده لحالها وتأخذ معاها صاحبتهاالى اي مكان أو مطعم ؟؟. وفي البعض تركب لوحدها (بس هذا يعتمد اذا ان تخافي ولا لأ؟؟)

وبالنسبه للترفيه كثيرررررررررررررررر كثيرررررررررررررر كثيررررررررررررررر في جده , وتقدري تروحي لوحدك عااادي . وفي مراكز كثيررررررررره وبداخلها مطاعم والعاب للاطفال وووو وراقيه وعلى مستوى عااااالي ....

وبالنسبه للنادي مليانه جده بالنوادي النسائيه وانا كنت مسجله فيه وحتى اخواتي .. ونادي نسائي طبعا بس فيه راح تنبصطي بالمره لانك بتتعرفي على ناس من جميع الاعمار والجنسيات .

وبالنسبه لمعاملة السعوديين للعرب او الاجانب ( مافي اي تفرقه ابدا , في كل شي ؟؟ ) ومافيها جفاف ولا شي ؟؟
بس حبيت ارد على الاخت (scson)والله حرام عليكي يا اختي (بالذات اذا كنتي سعوديه ) تقولي ان المعامله فيها جفاف وتفرقة ؟؟؟؟
وبالنسبه للناس زي اي شعب في منهم يحب يتعرف وفي ايلي ما يحب ؟؟؟ هذا يرجع الى حسب طبيعة الشخص نفسه ..

وهي صح ان الوضع هنا يختلف من سوريا من ناحية (عدم وجود المسارح وعدم سواقة المرأه ) ؟؟

واذا جيتي ياعيوني عندنا بجده راح تنور أكيد بيكي , وعادي لو تحتاجي شي انا مثل أختك , وتقدري تراسليني على الخاص .

:26:
لكن بالنسبه للرياض ؟؟؟ ما ادري بس عندي صاحبتي اتزوجت وراحت هناك وتقول ان مو زي جده , يعني في تمسك بالحجاب والعادات تختلف عن اهل جده .. ؟؟ لكن بالرياض مطاعم واماكن ترفيه كثييييييره وروعه وراااااااااقيه جدااا . ومراكز تسوق روعه .
( وترى جده والرياض روعه ؟؟) وأهليها طيبين جدااااااا
وبالنهايه القرار لك وحدك ياعيوني ....:26:

أختي بأقول لك شي عشان تتطمني أكثر ..

أدخلي هنا بالمنتدى قسم (ساعدوني ) أو (ملتقى الاحبة المغتربين )واكتبي موضوع عنوانه (الرجاء الدخول فقط للبنات الغير سعوديات ومقيمين بجده ) وأسألي فيه لانهم راح يقولو لك وطبعا وجهة نظرهم .وراح تشوفي اذا هما أتأقلمو مع الوضع هنا ولا لأ؟؟؟