بنات السعودية..... لكم تجربتي مع صالون جاك ديسانج الكويت.....

عودة لكم بعد انقطاع بسبب ظرووف

المهم قلت هالتجربة لازم اقولها لكم للي حابين يروحون للكويت ويعملون شعرهم في صالون جاك ديسانج

اول شي عملت حجز قبل يومين ورحت لهم على الموعد واستقبال عادي جدا
كنت حابة اصبغ شعري لون جديد ,, تدرون الواحد يحب التغيير واهم شي جديد وستايلش
العاملة كانت مغربية وتتكلم لبناني:09:

المهم طالعت شعري وقالت لي 52 دينار ... قلت لها ليش شعري قصير ومايستاهل هالمبلغ بصراحة
شعري تحت كتفي ب 3 الى 5 سم ...... قالت هذا سعرنا النهائي.....قلت يمكن عرفوا اني من الرياض وهذا احد اسباب الغلاء..........

مافاصلتها ... قلت يا بنت انتي ضاربة مشوار وطلبوا هالمبلغ فاكيد انتي راح تصيرين شي ثاني

قلت لها اووكي مافي مشكلة .... وطلبت منها قص خفيف لاطراف الشعر وغرة بسيطة لاني كلاسيك شوي ومااحب القصات المكررة.. فقالت لي ب 12 دينار قلت لها اووكي يعني الحساب 64 دينار كامل
واضربوها في 13.33 ريال سعودي ولكم الحساب

انتظرت شوي وجابت كاتالوغ الصبغات وقالت اختاري ..... سالتها شنو الموضة لانه الكويت معروفين بالشغلات الغريبة والجديدة.... فقالت لي انه الموضة بانه يكون لون واحد والالوان البنية الهادية فاخترت لون اشقر ذهبي يجنن لاني قد صبغته من قبل عند وحدة وماخرب شعري....
فقالت لي الكوافيرة: لا ماينفع راح يخرب شعرك وراح يعطيك اورانج ولازم سحب لون وووو الخ.
فقلت لها: يا حبيبتي انا صبغته في الرياض وماخرب شعري وطلع علي يجنن
فقالت : اللي عملت لك الصبغة مابتفهم
قلت بنفسي : يعني انتي اللي تفهمين
قالت : خلاص انا راح اعمل لك صبغة تناسبك ودرجات الاشقر واكيد راح تعجبك
المهم صبغت شعري وجلست انتظر وتصدقون حتى كاس ماء ماتذكروني فيه لانه بصراحة انا متعودة على الاستقبال الحلو في بعض الصالونات اللي اتعامل معهم في الرياض
المهم غسلت شعري واضافت مادة عشان تثبت الصبغة وتعطيه لمعة ونعومة
وخلال هذا الوقت كانت جنبي زبونة شعرها طوووووويل وكثيييييير ماشاءالله
فسالتها : انتي ايش راح تعملين شعرك؟
قالت: راح اعمله بلياج
سالتها: بكم راح يعملونه
تدرون بكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قالت: 60 دينار

انا يابنات طلعت عيوني الا شوي

المهم جت العاملة تبتسم وتتميلح عندي
فقلت لها السالفة وانكم لعبتوا علي
كشرت بوجهي ومشت

قلت : طيب ان ماشرشحتكم

بعدين قصقصت شعري وضربته هوا
وشلت عشفي وطلعت

ولون شعري مو مثل اللي توقعته بحكم سمعة الصالون العالمية وماعندهم الا الكلام بصراحة

لون شعري عااااااااااااااااااااااااااااااادي مافيه زود ,,, لونه كانه شعر
الفلسطينيات الاشقر البني بصراحة ماادري اشلون اوصفه

وفوق هذا كله نصابين

هذي تجربتي في مايخص الصبغات والاسعار مع هذا الصالون

من الممكن عندهم خدمات جيدين فيها ولكن حبيت اقول لكم عن اللي صار لي

وانتظروا تجربتي القادمة مع محلات العبايات

ودمتم