بنات السعودية و الكويت في أمريكا : أفيدوني : مقارنة أسعار

مافيه مقارنه بالخليج تلاقين جميع الاسعار الغالي والرخيص
المجوهرات بالخليج احلى بكثير مررررره
مافيه ولمارت فيه طعام قطط
بنطلون جنز انتي وميزانيتك فيه يبدا من 3 دولار الى اغلى الماركات خذي اللي يناسبك

ما أدري بس أنا أشك في دقة كلامك مع احتراماتي لك طبعا .
ما هو تفسير انه البعض يأتي من السعودية و يعمل شوبنج في امريكا
ثم منطقيا البلاد العربية فيها جمارك و نقل و .. هذا لازم يرفع الأسعار . صح ؟

بعدين كيف الذهب هناك أحلى ؟ ممكن أكثر قيمة كونه عيار ثقيل , بس أحلى ؟ Come on!
بعدين الأذواق أكثر تعدد في أمريكا لأن الناس مختلفة أكثر ؟
صححوني يا جماعة ..
أعطوني مقارنة ل ٥ سلع مثلا

شكرا

معروف عالمياً اجود انواع الذهب واحلاه الهندي والعربي .. اصلاً هم الاصل في الذهب والمجوهرات والا الامريكان من وين لهم ؟ :/
مجرد مقارنة بسيطة .. شوفي الممثلات والمشاهير عندهم شنو يلبسون من ذهب ... وبالايد الثانية شوفي بعض المميزات من العربيات شنو يلبسون من ذهب .. ما اقول الكل لان الاذواق تتفاوت ..
في محلات معروفية خليجياً ومشهورة وراااااااقية جداً للذهب والمجوهرات .. افخر انواع الالماس والفضة والذهب عندهم وهالشي الكل يعرفه ..

شوفي هذي بعض مواقع الماركات الراقية اللي قلت عنها :

http://www.damasjewel.com/

http://www.arbash.com/

الاسعار كل مكان في الدنيا فيه الغالي والرخيص الاخت ما غلطت ... الماركات العالمية قد تكون اغلى بـ 5% .. اما البضائع الثانية الصيني والتركي والعربي و غيره تلاقين الرخيص .. والجودة تتفاوت .. يعني في صيني اي شي وفي صيني مرتب ويسوى ..
الفرق يمكن يكون بالتنزيلات .. تنزيلات امريكا يمكن تكون اقوى بوااايد واحسن .. اما تنزيلات الخليج عادية ..

ولمارت اعتقد هو السوبرماركت ؟؟؟ بالنسبة للكويت في كل منطقة بالضبط فيها سوبرماركت كبير وشاااامل ومناطق الكويت معروفة صغيرة مابينها الا فاصل شارع !
وحتى راح تلقين اغلب البضايع الامريكية "الفوود" في مركز سلطان ..

واكيد في طعام للقطط وكل الحيوانات لمربيها ..

الجينز وملابس الاطفال مثل ما موجود بأمريكا هو موجود بالخليج نفسه نفسه .. نكست و زارا و H&M و توب شوب الخ .. مع احتمال وجود الفارق 5% اللي ذكرته ..
ولو تبين ارخص منهم و مو شرط ماركة كمان موجود ..
في ماركات ايطالية واسبانية لملابس الاطفال وجداااً راقية موجودة عندنا .. والاسعار كل شي موجود ..

عموماً المعيشة هي نفسها تقريباً مشابهة لأمريكا .. مثل ماقلتي 12 سنة غربة اكييييد الايام تغيرت والدنيا تطورت واكيد فكرتج عن الخليج جداً قديمة لكن صدقيني بترجعين وتشوفين انهم صاروا مثل امريكا .. عندنا الراقي جداً وعندنا العادي جداً ..

بالنسبة لي السوق الخليجي اقوى من بريطانيا ليش ؟؟ لانه عندنا بالخليج الماركات الفرنسية والايطالية والامريكية والاسبانية والهندية والشرق آسوية و بضائع من كل اقطار العالم ..
اما في بريطانيا شو ... مجرد ماركات بريطانية وزين اذا لقيتي شي امريكي بالغصب ..وانا لليوم ما شفت ماركة ايطالية او اسبانية في لندن !
مجرد طلة بسيطة على الافنيوز مول في الكويت بيعطيج اوضح صورة على كلامي ..

السوق البريطاني احبه وقت التنزيلات بس .. لانهم يسوون تنزيلات على نفس البضائع الممتازة والاسعار جداااااااااً تكون مناسبة ورخيصة ..


نقطة اخيرة .. عدد البشر في المنطقة لا يعني مطلقاً حسن ذوقهم .. اقرب مثال شوفي افقر منطقة في الهند اشكثر بشر فيها .. هل يعني انه ذوقهم توب ؟ :)

الماركات العالمية في امريكا ارخص بواجد من السعودية
وغيره مثل ماقالو البنات

هل هناك طعام قطط ؟
نعم يوجد في السوبرماركتات

هل هناك يحبون المجوهرات الأمريكية مثل Zales, Tiffani, Kay ؟
نعم يحبونها ولكن محلات الذهب الخليجية تنافس هذه المحلات في الجوده من حيث ان مجوهراتهم من ذهب 18 او اعلى عكس الامريكي غالبة 14 او 12

كم ثمن طقم ملابس ماركة أمريكية لطفل ؟
مثلا من جاب ممكن طقم كامل 500 ريال فاشتري من امريكا افضل
لكن يوجد ماركات بريطانيه عالية الجوده

هل هناك walmart ؟
لا لايوجد ولكن يوجد اخرى بديله مثل كارفور -جيان ....الخ

كم ثمن بنطلون Jeans (طبعا للبس داخل البيت ) ؟
بصراحه انا بشتري الجينز غالي عشان يعمر كثير لكن ممكن بتلاقي في محلات مثل سيتي ماكس شي ب 50 ريال (15 دولار) وفي سنتر بوينت

بشكل عام من أغلى امريكا ولا هناك ؟
في المعيشة من ايجارات واكل وشرب امريكا
في اللبس اذا لبسك كله مركات الخليج لكن فيه في الخليج ماركات ارخص ومحلات شعبيه اكثر