&&بثينه&& @ampampbthynhampamp

عضوة فعالة

بنات السعوديه/المنطقه الشرقيه...ايش رايكم؟؟

السلام عليكم جميعا...

بداية احب اشكر هالموقع وكل الاخوات القائمات عليه سوا كاشراف او كعضوات,,,فعلا الواحد يعجز يشكر الاخوات الموجودات لكل ما يفعلونه ويقدمونه ولروحهم الطيبه وتعاونهم..

انا اشتغل كروشيه من فتره لكن بصفه متقطعه بسبب ظروفي وانشغالاتي لكن خلال السنه الاخيره صار عندي اهتمام اكبر واكثر..

الزبده؟؟

خلال ممارستي لهذه الهوايه الجميله لاحظت بانه بالذات الاجنبيات في كل مكان يسوون لهم تجمع او تكتل بحيث يجتمعون يوم في الاسبوع لتبادل الراي ويطلعون على اخر المستجدات ويتبادلون الخبرات ,,واذا فيه شئ جديد ممكن اللي تعرف تعلم اللي ما تعرف...

حاليا انا في امريكا ووجدت بانه هناك مجموعه للكروشيه وتجتمع تقريبا كل يوم في احد المقاهي ((لا تحسبون القهوه عندهم زي عندنا...هنا القهوه مكان جدا محترم))
ومش شرط انه الوحده تحضر كل يوم...
بس هم هاذي نقطة تجمعهم,,,يعني ما فيه احد يكلف على احد ويروح يزروه في بيته...ولا يثقل عليه..

لا اي وحده بتروح القهوه تشرب كوب قهوه وبتكون قاعده تشتغل تسلي وقتها...
ما تعاني من تطفل الاخرين ولا كل احد يبحلق فيها ويقول
وع ,,وايش تسوي هاذي؟؟

مالت اللحين هاذا وقته؟؟
ولا تعليقات من نوع ..
بالله ايش الفايده من هاالي تسويه؟
لو تشتريه جاهز ارخص .
صدق فاضيه..

يعني هم اللي مقطعين المشاغل ولا المهام..

بالعكس تلاقي اي وحده تجلس في الزاويه الخاصه بهم ,,وممكن اي وحده تنضم لها بدون سابق معرفه ويقعدون يدردشون ويتبادلون الراي ويستفيدون من وقتهم وهم يشربون القهوه واللي كل وحده تدفع قهوتها..

وبعدها باي ...باي..
نشوفش على خير
يا بعدي انتي خلي بالش من نفسش..
ايه وانتي يا حليوه((ترى هاذي الحليوه ممكن تكون وحده في الستين))

وخلال لفاتي ودوراتي اكتشفت بانه يوجد شئ مشابه لسيدات الظهران او ارامكو لكن للاسف كلهم امريكيات واهتمامهم فقط بفن الترقيع وحتى عرضوا اني انضم لهم بس للاسف انا مش من ارامكوا وما عندي بطاقة الدخول

كذلك هناك تجمع اخر في مجمع الزامل ولكن ايضا كلهم اجانب..

لذلك فكرت ليش نحن ما نسوي نفس هالتجمع في الخبر حيث اعيش..

طبعا صعب نتقابل في مقهى..
لكن ممكن اطلب من صديقتي وهي تملك مركز نسائي للتجميل انها تسمح لنا بالتجمع مره في الاسبوع

وبحيث ايضا اني بامن كل انواع الخيوط من مصر ومن امريكا ..
ولو وجدت هناك قبول للفكره وفيه عضوات مبتدات وما عندهم احد يعلمهم .,,,ممكن اتفق مع وحده تجئ تعلمهم بالساعه وبحيث يكون هناك دروس في اوقات معينه وباسعار محدده..

وبهذه الطريقه نشجع الاعمال اليدويه ونستفيد من الوقت ونخلق علاقات انسانيه اكثر تعاونا واكثر انتاجا..

ايش رايكم؟؟

هل هناك من يفكر في شئ مشابه؟؟؟

خالص الشكر والتقدير.

يلزم عليك تسجيل الدخول أولًا لكتابة تعليق.

تسجيل دخول

LaDy Nona • 15 سنة

اممممممممممممممممم

هو فكــــــــــــــــــــــــــرة حـــــــــــــــــلوة ;)

نشغل وقت فراغنا بدال ما نضيعها بالتلفزيون والاكل والنووووم

بس تعرفين مجتمعنا ما يعترف بطلعت البنت علشان تتجمع مع صديقاتها

فى مقهى او نادى نسائى

واذا بتطلع بطلعت الرووووح تطلع ولا لازم معاها حراس شخصى وهى الام

وصعبه التنفيذ
:44:

بـــــــــــــــــــــــــــــ :27: ــــــــــــــــــــــــس الفكرة حلوة راقت لى

استغفر الله واتوب اليه

هبلة بس مملوحة • 15 سنة

هو صحيح حبيبتي الفكرة هايلة

وأمنيتي تتنفذ عندنا هنا

بس للأسف ثقافتنا مو كل البيوت تسمح لبناتها تطلع بسهولة

يعني تحسي الأهالي شوي عندهم حساسية من القضية دي

موفقة يارب

{ NORA} • 15 سنة

فكره حلوه بس أنتي في الخبر ...يعني إذا زوجي بالقوه يودين المشغل إللي بجنبي كيف عاد بالخبر

إلاالفكره جداً جميله وحلوه ...والاحلى فيها التعارف ...

ومدام فيها كروشيه شيييييييييييييييييييييي ....ماراح نطلع من المشغل إلا بطرده خخخخ

مشكوره أختي بثينه وترجعين أن شاء الله بالسلامه

رنا الحبوبه • 15 سنة

الفكره حلوه انتى قالتى فى ارمكو فيه تجمع كان زمان ايام الامريكان مافى الحين لانهم قله الفئه وقالتى فى الزامل بالخبر فين بضبط لانى دائم اخد خيوطى منه ماعرفت فيه التجمعات لو نك جاده بهل فكره ماعندى مانع بشرط يكون التجمع فى الصباح علشان ماتنامون اصل الحريم اغلبهم ينامون الصباح ولا يصحون الا الساعه 12 او 1 فى العصر مااقدر لعيال والمداكره لان الليل ودمتىىىىىىىىىىى لنا همتك يابطله..................

LaDy Nona • 15 سنة

؟؟