ميــّـــــاس @myas_10

محررة

»؛°.. بنات الشارجة .. تعرفون دكتورة جلدية ؟؟ ..°؛«

السلام عليكم ورحمة الله وبركاته ..

اشحالكم بنات ؟؟
شخباركم ..؟ عساكم طيبين ..

ممكن اللي عندها خبرة مع دكتورة جلدية ..
او تعرف حد متعالج عند دكتورة جلدية شاطرة في الشارجة ما تبخل عليه ..
باسم الدكتورة او اسم العيادة والرقم ..

لأني والله مليت مليت مليت مليت من شي اسمه حب الشباب :angry: ..

تعبت ..
ريتن A .. واستخدمته .. وما ياب نتيجة ..
وسرت بعد مرة عيادة حكومية وعطوني قنينة صغيرة فيها سائل
مثل الكلونيا او اللوشن .. ماعرف اوصف .. بس انه هو ماي يعني سائل ..
وماذكر والله اشكثر استخدمته .. بس كنت صغيرة حزتها .. يمكن 13 سنة ..
وما استمريت .. مليت يوم ما شفت نتيجة ..

ومن فترة سرت عن سميحة لطفي .. وعطتني كريم ..
قالت لي والله هذا كريم دكتور اردني مسونه وماعرف شو ..
وانا مادري هالكريم شو فيه او شو ممكن يسوي ..
لأنها ما وضحت لي كيف ..
يوم اسألها .. تقوللي اول شي ويهج بييبق وعقب بيخف ..

هو صح بق .. بس ماخف .. مادري يعني ما لاحظت شي ..

تقوللي والله انتي فيج اثار حبوب مافيج حبوب ..
المشكلة يوم كنت سايرة لها الحبوب كانت ميتة .. وباقية الاثار ..
وويهي كله صاير آثار .. كأنه متحف الله يعافيكم ..

انا بين فترة وفترة يظهرون لي حبوب ويتركون الأثر .. مع اني ما العب ولا اتعبث ..
بس طبيعة ويهي جيه .. الحبة ما تختفي الا وتاركة اثر تذكرني فيها :(

ربيعاتي يقولون احسن شي تاخذين روكتيــن .. الحبوب ..

بس ترى لازم اخذه باستشارة طبية .. ما يستوي آخذه منه والدرب ..

ممكن تقترحون عليه دكتورة زينة .. بليـــــــز والله مليت من الكريمات اللي ما منها فايدة ..
وتعب من كثر ما اغطي ويهي بكريمات الاساس اللي تدمر الويه ..

ابا اكون على طبيعتي .. :09: .. ساعدوني ..

621

يلزم عليك تسجيل الدخول أولًا لكتابة تعليق.

تسجيل دخول

ميــّـــــاس • 17 سنة