بنات الشارقة عياده دار الطب ( سفرينى ) والختان

الرفع

الغاليه نحن كلنا انسير عند الدكتور سفريني علشان انختن عيالنا انا ولدي مختنتنه عند سفريني .

سيري ولا تحاتين كله خمس دقايق وبيخلص كل شيء واذا ولدج صغير احسن لانه اذا كبر وماختنتيه بيتعبج

وبعد الختانه خلاص ولا جنه شي استوى ....وبيعطيج دواء غسول حطي منه شوي في طاسه فيها ماي حسب عاد اذا ولدج شكبره وخليه في الماي شوي . والدكتور سفريني نفسه الي يختن .... واذا كان ولدج نونوه سويله رضعه وخليه يوم يختنونه يرضعونه من هذي الرضعه انا الدكتور قالي والحمدلله ولدي سكت .....

والسموحه على القصور وانشاء الله بسال عنه بعد وبخبرج

تسلمين اختى
@ام راشد وشيخه@
اختى هل تقصدين سفرينى الى في الشارقة 00 انا لما سالت قالو اسم الدكتور كاظم او عبد الكاظم المهم هو عراقى صح ولا لالا


وبعد بغيت اسال هو يختن بالليزر هذا الى سمعته

اسحيلى الغاليه بعذبج وياي

وان شاء الله بتوكل على الله وبختنه قريب

حبيبتي انا ختنت ولدي عند هالدكتور العراقي الي عتد عيادة سفريني

وهو ما شاء الله شاطر وخبره لأن معظم الي يونه تطهير

والموضوع ابد ما يطول كله دقايق وانا بنسبه لي تحسفت على ذاك الخوف والقلق

مثله مثل التطعيم والله كان عاااادي والحمد الله

الغاليه انا ختنت ولدي عن دكتور في مستشفى زليخه في الشارجه .. والحمدالله كل شي اوكي ..
وبدون تخدير ... بس اول يوم ابصراحه كله ايصييييييح وما يرضى يسكت ابدااااااا وارضعه ويرقد ومن ايي اخوزه ييبس من الصياح واخليه .. لدرجه اني رقدت بالليل وانا يالسه وهو في حضني ما خوزته من رديت .. لانه كان خايف و اكيد متعور فديته .. والله هاك اليوم كرهت عمري ليش وديته وكرهت ريلي بعد ليش ودانا .. حتى في المستشفى طلعت عنهم ويلست اصيح برع يوم شفته ايصيح بمراره ...

بس الحمدالله ثاني يوم رد طبيعي وكلها اسبوع وصار اوكي الحمدالله ..


وبعد يمدحون الدكتور فتحي عماره في دبي .. واااااااااااااايد اوكي .. ويسوي كريم مخدر قبل ما يبدا الختان عشان ما يحس الياهل ..


واستعيلي بولدج قبل لا يكبر ويلعوزج .. انا ولدي وديته وهو في الاربعين .. بعد ما كمل 3 اسابيع بالضبط

وطبعا لااااااازم اتيلسين ولدج في ماي وملح على الاقل مرتين في اليوم لين يتعافى ويطيح البلاستيك الي بيحطونه حقه ..

والله ايكون في عـــــــــونج وعون الكتكوت فديته .. والله أحس انهم يتألمون واايد .. الله يحفظهم